Mavzu: Suyaklarning organ sigatida tuzilishi. Bosh suyagi. Reja: bosh suyagi tarkibiga kiruvchi suyaklar

Qoyasimon qismda katta teshikdan yuqoriroqda dahliz suv yo‘li - apertura aquaedustus vestibuli hamda unga nisbatan kichikroq chig‘anoq suv yo‘li - apertura aquaeductus cochleae bo‘ladi. Qoramolda bular yaxshi rivojlanmagan.
Hayvonlardagi farq qiluvchi xususiyatlari. Otda - chakka suyagining tangachasimon qismi va quloq suyagi alohidalashib rivojlangan; tangachasimon qismdan orqaga ensa o‘simtasi chiqadi va u butun tashqi eshitish yo‘lini egallaydi hamda quloq suyagi bilan birgalikda chakka yo‘lini hosil qiladi. Quloq suyagining qoyasimon, nog‘orasimon va so‘rg‘ichsimon qismlari yaxshi rivojlanmagan. Undan orqa tomonga qarab muskullar birlashishi uchun so‘rg‘ichsimon o‘simta chiqadi; til osti o‘simtasi, eshitish nayining teshigi, ichki eshitish yo‘li, dahliz suv
yo‘li, chig‘anoq suv yo‘li yaxshi rivojlangan. Cho‘chqada - chakka suyagining tangachasimon qismi va quloq suyagi qo‘shilib ketgan, qoyasimon qismi esa alohidalashgan; chakka yo‘li va muskul o‘simtasi bo‘lmaydi. Quloq suyak pardasi yaxshi rivojlangan; so‘rg‘ichsimon qismi ensa suyagining bo‘yinturuq o‘simtasi bilan qo‘shilib ketgan; til osti o‘simtasi yaxshi ko‘rinmagan; tashqi eshitish yo‘li ingichka va yarim oy shaklida yuqoridan pastga yo‘nalgan bo‘ladi. Itda -
nog‘ora suyak pardasi yumaloq, muskul va til osti o‘simtalari bo‘lmaydi; qoyasimon tarog‘i katta va unda uch tarmoqli nerv uchun teshik bo‘ladi.
Panjarasimon suyak - ethmoidale. Toq panjarasimon suyak bosh suyagining ichida yotadi va u peshona, ponasimon, ko‘z yoshi, yuqorigi jag‘, tanglay, dimog‘, burun suyaklari bilan chegaralanadi. U miya bo‘shlig‘ini burun bo‘shlig‘idan ajratib turadi.
Panjarasimon suyakda: 1) panjarasimon plastinka, 2) vertikal plastinka va 3) panjarasimon suyak labirinti yoki qog‘ozsimon yon plastinkalar farqlanadi.