Nishon tumaniga umumiy geografik tavsif

Iqlimi keskin kontinental. Bahor erta keladi, lekin, juda tez issiq boshlanadi. Yozi uzoq davom etib, juda quruq va issiq boʻladi. Yillik oʻrtacha temperatura 14,8°. Yanvarning oʻrtacha temperaturasi 0,2°, eng past temperatura —15°, iyulniki 28,8°, eng yuqori temperatura 45°. Vegetatsiya davri 230 kun. Shamol va chang toʻzonli boʻronlar boʻlib turadi.

1.3. Iqlimi va ichki suvlari

• Iqlimi keskin kontinental. Bahor erta keladi, lekin, juda tez issiq boshlanadi. Yozi uzoq davom etib, juda quruq va issiq boʻladi. Yillik oʻrtacha temperatura 14,8°. Yanvarning oʻrtacha temperaturasi 0,2°, eng past temperatura —15°, iyulniki 28,8°, eng yuqori temperatura 45°. Vegetatsiya davri 230 kun. Shamol va chang toʻzonli boʻronlar boʻlib turadi.

Yozda quruq va issiq havo oqimlari ("garmsel") koʻpincha changli boʻronlar bilan birgalikda sodir boʻladi
Oktabr oyining oxirlari va noyabr oyining boshlaridan havo soviydi va namgarchilik boshlanadi. Yillik yogʻin 180–220 mm. Yogʻin kam, hudud boʻyicha notekis taqsimlangan (gʻarbida 146 mm, sharqida 230 mm gacha). Asosiy qismi qish va bahorda yogʻadi. Qor qoplami har yili bir xil emas, baʼzi yillar 10—25 kun saqlanishi mumkin. Qor qalinligi 15—20 sm, ayrim yillari 30—40 sm ga yetadi. 1972-yilda Qarshi magistral kanali va Tallimarjon suv ombori barpo etildi. Zich joylashgan kollektor — zovur tarmoqlari mavjud. Havzada yer osti shoʻr suv qatlamlari turli chuqurliklarda, toʻrtlamchi, neogen, paleogen, boʻr, yura va paleozoy davrlari togʻ jinslarida joylashgan.
Ularning tarkibida xloridsulfat tuzlari mavjud. Paleozoy davri qatlamlaridagi suvlar yuqori bosimli.

1.4. Tuprolari , o`simliklari va hayvonot dunyosi.

• Nishon choʻlining sharqiy va shimoli-sharqiy chala choʻl qismida och tusli boʻz, gʻarbiy hududida shoʻrlanish darajasi har xil boʻlgan taqirli, surqoʻngʻir, botiqlarida va oʻzansimon pastliklarda shoʻrtob, shoʻrxok, daryo boʻylarida va sugʻoriladigan yerlarda oʻtloqi tuproqlar tarqalgan. Choʻlning sugʻoriladigan yerlarida sizot suvlar yer yuzasiga chiqib tuproqlarning shoʻrlanishiga sabab boʻlmoqda. Shu sababli maxsus meliorativ chora-tadbirlar amalga oshirilmoqda.