Операцион системалар операцион тизим (ОТ)

Мои документы (My Documents) ёрлиғида фойдаланувчининг ишчи материаллари, яъни файллари ва каталоглари жамланади. Ундаги бирор файлни ишга тушириш учун шу файл бeлгиси устида «сичқонча» чап тугмачаси икки марта босилади.
Корзина (Recycle Bin) ёрлиғида керак бўлмаган файллар ва папкалар (каталоглар) ни узил-кесил йўқотиш олдидан вақтинча сақлаш учун мўлжалланган. Керак бўлган вақтда ўчирилган файлни корзина папкасидан тиклаб олиш мумкин. Бунинг учун керакли файл номи Корзинадан излаб топилиб, менюнинг Восстановить буйруғи орқали амалга оширилади. Корзина ни бутунлай тозалаш учун Очистить корзину буйруғидан фойдаланилади. Ўчирилган папкани ҳам тиклаш мумкин. Корзина учун ҳар бир қаттиқ дискдан бeлгиланган жой ажратилади (стандарт ҳолда 10%). Агар Корзина даги ўчирилган файллар ҳажми 10% дан ошиб кетса, операцион тизим олдинги файлларни автоматик равишда ўчиришни бошлайди. Шунинг учун, доимий равишда Корзинани тозалаб туриш мақсадга мувофиқ.
Портфель (My Briefcase) - бу ёрлиқда фойдаланувчи турли компьютерларда фойдаланиши мўлжалланган файллари сақланади. Бу файллар билан бошқа компьютерда ишлаш учун портфелдан фойдаланилади.
Агар компьютер локал тармоққа уланган бўлса, у ҳолда ишчи столида Сетевое окружение (Network Neighborhood) ёрлиғи пайдо бўлади. Сетевое окружение ёрлиғи кабeль орқали уланган локал тармоқдан бир компьютерни иккинчи компьютер билан улаш учун хизмат қилади.
Соединение с Интернетом ёрлиғи компьютерни глобал халқаро тармоқ, яъни Интернетга улаш учун хизмат қилади.
МАСАЛАЛАР ПАНЕЛИ, УНИ СОЗЛАШ ВА ПАНЕЛДАГИ БЕЛГИЛАР
Windows ОТ бош ойнасининг қуйи қисмида узун битта сатр – масалалар панели бўлади.

Масалалар панели компьютерда қандай дастурлар ишлаб турганлиги ҳақида маълумот бeради ва улар билан ишлашга мўлжалланган. Агар бирон-бир дастур ишга туширилса, шу дастурнинг номи ёзилган тугмача масалалар панелида пайдо бўлади. Масалалар панелига ишчи столда мавжуд бўлган ихтиёрий ёрлиқларни ўрнатиш мумкин. Ёрлиқларни масалалар панелидан ишга тушириш мумкин. Бу «сичқонча» қурилмаси ёрдамида амалга оширилади. Масалалар панелида тил панели, вақт ҳам ўрнатилган.