O’zbekiston respublikasi oliy va o‘rta maxsus talim vazirligi nizomiy nomidagi tdpu tabiiy fanlar fakulteti

KIRISH

Kurs ishining dolzarbligi: O’zbekistonning mustaqil taraqqiyot strategiyasini, o’zbek xalqining buyuk davlat barpo etish borasidagi maqsad-muddaolarini, milliy istiqlol mafkurasining mohiyatini talabalar ongiga singdirishda, ta’lim-tarbiya, targ’ibot va tashviqotning samarali usul va vositalaridan oqilona foydalanishni taqazo etadi.

Kadrlar tayyorlash sohasidagi davlat siyosati insonni intellektual va ma’naviy-axloqiy jihatdan tarbiyalash bilan uzviy bog`liq bo`lgan uzluksiz ta’lim tizimi orqali har tomonlama rivojlangan barkamol shaxsni shakllantirishni nazarda tutgani holda, ta’lim oluvchilarda bilim olishga va yangiliklarni puxta o`zlashtirishga ehtiyojini, shuningdek, asosiy o`quv-ilmiy va umummadaniy bilimlar, milliy va umumbashariy qadriyatlarga asoslangan ma’naviy-axloqiy fazilatlar, ijodiy fikrlash, atrof-muhitga ongli munosabatda bo`lish ko`nikmalarini tarkib toptirishni uzluksiz ta’lim jarayonining asosiy vazifasi sifatida belgilab berdi.

Mamlakatimizda kimyo fani va sanoatini jadal rivojlantirish, xususan kimyo korxonalarining quvvatini yanada oshirish, mahsulot sifatini ko`tarish, oziq-ovqat mahsulotlarini ko`paytirish, kimyo yutuqlaridan amaliy foydalanish vazifalari turibdi.

Kimyo tabiat haqidagi fan bo'lib, u fizika, biologiya, mineralogiya kabi fanlar bilan uzviy bog'liqlikda rivojlanadi. Tabiatda moddalaming turlari juda ko‘p. Shu sababli ular doimo bir-biriga aylanib turadi. Kimyo fanining muhim vazifalaridan biri— moddalaming bir-biriga aylanishidagi qonuniyatlarni tushuntirib berishdan iborat.

Hozirgi kunda kimyoviy moddalarning turlari ko`p, bundan 18 mln. dan ortig`i organik moddalar, 500 mingga yaqin noorganik moddalar hisoblanadi. Kimyo fanini o`quvchilarga to`liq o`rgatishda kimyoviy birikmalarni olinish tarixiga nazar tashlanganda maqsadga muvofiq bo`ladi.

Anorganik moddalarning asosiy sinflariga oksidlar, kislotalar, asoslar va tuzlar kiradi. Kislotalarni tarkibidagi kislorod qarab, kislorodli kislotalar va kislorodsiz kislotalarga bo`linadi. Takibida kislorod bo`lmagan kislotalar xossalarini o`rganish muhim hisoblanadi.