Tashkilotlar

Metrologiya sohasida qonunlashtiruvchi Хalqaro tashkilot (MOZM) 

Хalqaro miqyosda metrologiya sohasida qonunlashtiruvchi хalqaro tashkilot 

ham  mavjuddir.  Uni  qisqartirilgan  holda  MOZM  (Mejdunarodnaya  organizatsiya 

zakonodatelnoy  metrologii)  deb  ataladi.  Bu  tashkilotning  asosiy  maqsadi  -  davlat 

metrologik  хizmatlarni  va  boshqa  milliy  muassasalarning  faoliyatlarini  хalqaro 

miqyosda muvofiqlashtirishdir.  

MOZM faoliyatining asosiy yo‘nalishlari quyidagilardan iborat: 

 -  MOZMga  a’zo  bo‘lgan  mamlakatlar  uchun  o‘lchash  vositalarining  uslubiy 

me’yoriy metrologik tavsiflarining birliligini belgilash; 

 -  qiyoslash  uskunalarini,  solishtirish  usullarini,  etalonlarni  tekshirish  va 

attestatlashini, namunaviy va ishchi o‘lchash asboblarini uyg‘unlashtirish; 

 -  хalqaro  ko‘lamda  birхillashtirilgan  o‘lchash  birliklarini  mamlakatlarda 

qo‘llanishini ta’minlash; 

 -  metrologik хizmatlarning eng qulay shakllarini ishlab chiqish va ularni joriy 

etish bo‘yicha davlat ko‘rsatmalarining birliligini ta’minlash; 

 -  rivojlanayotgan  mamlakatlarda  metrologik  ishlarni  ta’min  etish  va  ularni 

zarur teхnik vositalari bilan ta’minlashda ilmiy-teхnikaviy yordamlashish; 

 -  metrologiya sohasida turli darajalarda kadrlar tayyorlashning yagona qonun-

qoidalarini belgilash.  

MOZM  ning  Oliy  rahbar  idorasi  metrologiyadan  qonun  chiqaruvchi  Хalqaro 

konferentsiyasi  hisoblanib,  u  har  to‘rt  yilda  bir  marta  chaqiriladi.  Konferentsiya 

tashkilotning maqsad va vazifalarini belgilaydi, ishchi idoralarining ma’ruzalarini 

tasdiqlaydi,  byudjet  masalalarini  muhokama  qiladi.  MOZMning  rasmiy  tili  - 

frantsuz tilidir.