Xisobot ishi

Фарғона шаҳридаги “Uzsalaman” қўшма корхонаси ёрлиғи бугунги кунда маҳсулот сифатини кафолатловчи белгига айланиб улгурди.

Шу боис бу ерда тайёрланаётган пойабзалларга талаб йилдан-йилга ортиб бораяпти. Жумладан, ўтган йили ишлаб чиқариш ҳажми 2013 йилдагига нисбатан 21,5 фоиз ўсди. Яъни истеъмолчиларга 151 минг жуфтдан зиёд пойабзаллар етказиб берилди. Йиллик ишлаб чиқариш ҳажми эса 3 миллиард 815 миллион сўмликни ташкил этди. 

Яна бир эътиборли жиҳати, 2014 йилда “Uzsalaman”да 10 турдан зиёд янги маҳсулотлар тайёрлаш ўзлаштирилди. Жамоанинг буюртмачилари сафига “Максам Чирчиқ” қўшма корхонаси, “Шўртангазкимё” мажмуаси, “Фарғонаазот” ишлаб чиқариш бирлашмалари қўшилди.

Илгари асосий хом ашё — тери маҳсулотлари Германиянинг “Байер” фирмасидан олиб келинарди. Эндиликда эса пойабзал тайёрлашда, асосан,  Қўқондаги “Кўнчи” корхонасида ишлаб чиқарилаётган ана шундай маҳсулотдан фойдаланилмоқда.