Yadgarova mehriban abdullaevna

Tadqiqot mavzusi bo‘yicha adabiyotlar sharhi (tahlili). 
Dissertatsiyada jahon, rus va o‘zbek adabiyotshunosligida badiiy ijod 
nazariyasi, roman janri o‘ziga xosligi hamda Shuhrat va O‘.Hoshimov ijodiy 
tadrijiga bag‘ishlangan monografik tadqiqotlar, ilmiy qarashlar jiddiy 
o‘rganib chiqildi. Shuningdek, adiblar ijodi shakllanishi hamda taraqqiyoti, 

---

8
hozirgi adabiy jarayonda tutgan maqomi masalasiga bugungi kun nuqtai 
nazaridan munosabat bildirildi.
 
Tadqiqotda qo‘llanilgan metodikaning tavsifi. 
Magistrlik 
dissertatsiyasini yozish jarayonida adabiyotshunos olimlarning Shuhrat va 
O‘.Hoshimov ijodi, shuningdek, o‘zbek romanchiligi muammolari xususidagi 
tadqiqot va ilmiy maqolalarga tayanilgan holda qiyosiy tahlildan keng 
foydalanildi. Tahlil qilingan romanlarda o‘zlarining ifoda etmoqchi bo‘lgan 
g‘oyalarini aks ettirishda yozuvchilar uslubidagi mutanosiblik va o‘ziga 
xoslikka alohida e`tibor qaratildi. Xususan, tadqiqotning obyekti bo‘lgan 
romanlarda inson taqdirini keng talqin qilishda adiblar ijodiga xos bo‘lgan 
xususiyatlarni tahlil qilish maqsadida ba’zi o‘rinlarda boshqa romanlarga 
ham murojaat qilingan tarzda qiyosiy-tarixiy tahlil usullaridan o‘rinli va 
unumli foydalanildi.