Zamonaviy mulk to‘g‘risidagi multifan

Ilmiy seminarda Toshkent moliya institutining professori, iqtisod fanlari doktori Shohmansur Shoha'zamiy “Zamonaviy mulk to‘g‘risidagi multifan” mavzusida ma'ruza qildi. U o‘z ma'ruzasida mulkning ilmiy talqini va huquqiy talqinini yoritib berdi, mulkchilik nazariyasining mulkdor, fantom (ta'minot) va ne'mat bilan bog‘liq modelini tushuntirib berdi. Mulk kategoriyasiga iqtisodiy va huquqiy yondashuvlarni mazmun-mohiyati haqida tushunchalar berdi. Ilmiy tadqiqotchilarga multifan atamasining mazmunini tushuntirib, fanlarni garmonizatsiya qilish orqali yaratiladigan yangi fanlar to‘g‘risida ma'lumotlar berdi.

Ma'ruzada shuningdek, mulk triadasining turli nazariyalar bilan bog‘liqligi ko‘rsatib berildi. Xususan, bularning matematik apparat bilan bog‘lanishi yoritildi. Zamonaviy mulkning kapital, qiymat va ijtimoiy-iqtisodiy-informatsion ko‘rinishlari yoritib berildi.

Mulk bozori narxi va mulk qiymatini baholash xizmati bozorining qiymati ekvivalent bog‘liqligining iqtisodiy sistemologiyaga asoslangan kompleks geometrik iqtisodiy modeli yordamida qadr-qimmat va naflikka ega mulkning miqdori, qiymati va narxini o‘zaro bog‘liqlikda o‘zgarishining bog‘liqligi, 2D-modeli, mulk qiymatini baholash xizmatlari bozorining funksional-tuzilmaviy sxemasi, mulkning adolatli qiymatlari va ob'ektiv narxlarini shakllanishi bozorilarning mohiyati tushuntirildi.

Seminar mobaynida katta ilmiy xodim-izlanuvchilar va mustaqil tadqiqotchilar, o‘zlarining ilmiy tadqiqot ishlarida qo‘llashi mumkin bo‘lgan turli nazariy va uslubiy yondashuvlar haqida ma'lumotga ega bo‘ldilar.
Katta ilmiy xodim-izlanuvchilar A. Baxronov, N. Rustamov, M. Yusupov va A. Qahhorovlar o‘zilarining ilmiy tadqiqot ishlari borasidagi yuzaga keladigan muammoli masalalar bo‘yicha savollar berib, ular yuzasidan batafsil ma'lumot oldilar.