Ўзбекистон ре

2-ВАЗИЯТ
Мазкур гуруҳда бир неча соат дарс ўтганингиздан кейин, талаба Сизга шундай деди: «Педагог сифатида Сиз бизга бирор нарсани ўргата оласиз деб ўйламайман».
Сизнинг муносабатингиз:
1. «Сенинг вазифанг – ўқиш, ўқитувчига ақл бериш эмас».
2. «Сенга ўхшаганларга , албатта, мен ҳеч нарсани ўргата олмайман».
3. «Балки сен бошқа гуруҳга ўтарсан, ёки бошқа ўқитувчида ўқирсан?»
4. «Сен шунчаки ўқишни хоҳламайсан».
5. «Айтчи, нега сен шундай деб ўйлайсан? Буни билиш мен учун жуда қизиқ».
6. «Кел, шу ҳақда батафсил гаплашиб оламиз. Балки менинг хатти-ҳаракатларимда сени шундай фикрлашга мажбур қилган бирор нарса бордир».


3-ВАЗИЯТ
Ўқитувчи талабага топшириқ берди. У эса топшириқни бажаргиси келмади ва шундай деди: «Мен буни бажаришни хоҳламайман!»
Ўқитувчи қандай жавоб бериши керак?
1. «Хоҳламасанг – мажбур қиламиз!»
2. «Унда сен нега ўқишга келдинг?»
3. «Ўзингга ёмон, билмасвой бўлиб қолаверасан. Сенинг қилиғинг худди қасдан ўз бурнини кесишга аҳд қилган кишининг ишига ўхшайди».
4. «Бу қилмишинг қандай оқибатга олиб келиши мумкинлигини ҳеч ўйлаб кўрдингми?»
5. «Нима учун хоҳламаётганлигингни тушунтириб беролмайсанми?»
6. «Кел, бирга ўтириб таҳлил қиламиз, балки сен ҳақдирсан.».


4-ВАЗИЯТ
Талаба ўзининг муваффақиятли ўқишидан хавотирда. У ўз қобилиятларига, шунингдек, қачондир ўқув материалини тушуниб, яхши ўзлаштириб олиши мумкинлигига ишонмайди ва ўқитувчига шундай дейди: «Сиз нима деб ўйлайсиз, мен ҳам “аъло” баҳоларда ўқий олишимга ва бошқа ўртоқларимдан орқада қолмаслигимга ишонасизми?»
Ўқитувчи унга қандай жавоб бериши лозим?
1. «Агар тўғрисини айтадиган бўлсам – бунга шубҳам бор».
2. «О, албатта, бунга шубҳаланмасанг ҳам бўлади».
3. «Сенинг имкониятларинг кенг, сендан умидим катта».
4. «Нега сен ўзингга ишонмайсан?»
5. «Ке, биргалашиб сенинг муаммонг нимадалигини аниқлаймиз».
6. «Кўп нарса биз сен билан қандай иш олиб боришимизга боғлиқ».