Ўзбекистон республикаси навоий кон-металлургия комбинати давлат корхонаси

7-топшириқ
Менежер ишчиларга ёқа билиши керак, уларда ижобий эмоциялар чиқара билиши лозим. Қуйидаги ибораларни таҳлил қилинг:

1. 
   Яқинларингизга нисбатан ижобий муносабатни шакллантиринг.
   
2. 
   Атрофдагиларга қизиқиш билан муносабатда бўлинг.
   
3. 
   Ҳамсуҳбатингизни диққат билан тингланг.
   
4. 
   Ўзингизни бошқалар ўрнига қўйишга урининг.
   
5. 
   Ўзгаларга ёрдам беришга доим тайёр туринг.
   
6. 
   Ўзгаларнинг кучли томонлари ва ютуқларини кўра билинг. Уларга бу хақда мулозамат тарзда айтишингиз мумкин.
   
7. 
   Суҳбатдошингизни тез-тез исмини айтиб мурожат қилинг.
   
8. 
   Атрофдагиларга нисбатан ўзингизни мулойим ва корректно тутинг.
   
9. 
   Фикрларингизни аниқ ва тушунарли тарзда баён этинг.
   
10. 
    Атрофдагилар билан мулоқотда кўпроқ “мен” ва “биз” эмас, балки “сен” ва “сиз” ибораларини ишлатинг.
    
11. 
    Танқидий камчиликларни босиқлик ва мулойимлик билан билдиринг.
    

Саволлар:

1. 
   Сиз кўрсатилганларнинг қайси бирини қўллайсиз.
   
2. 
   Сизнингча яна қандай тасаввурлар шахсий “имидж” шаклланишида мухимроқ.
   

8-топшириқ
1932-йилда “Мацусита электрик Индастриал Ко, Лтд” , электроника ва электротехника ишлаб чиқариш бўйича жаҳон биринчиларидан бўлган япон компаниясига асос солинди. Бу кунгача мамлакатда бу компаниянинг “Техникс” ва “Панасоник” номли савдо маркалари машхур.
Ушбу компаниянинг асосчиси Комаскэ Мацусита менежментнинг қуйидаги асосий қоидаларини шакллантирди:
-айёрликсиз, тўғри бўл;
-ўз ўрнингда хўжайин бўл;
-кечаги кун билан яшама, доимо ўз билимларингни такомиллаштир;
-атрофдагиларга ҳурмат ва эътибор билан муносабатда бўл;
-ҳар вақт ташқи дунёни ёдда тут, унинг ривожланиш қонунларига мослаш;
-мавжуд ва олаётган нарсадан миннатдор бўл;
-жамоадан олаётган нарсамиздан доим қарздормиз;
-“ким учун ишлаяпман” деган саволни беришдан чарчама. Жавоб фақат битта – жамоа учун.
Саволлар:
1.Менежментнинг ижтимоий йўналтирилганлиги нимадан иборат?
2.Мацуситанинг менежментга оид шакллантирган қоидаларини 10 тагача етказишга ҳаракат қилинг .
9-топшириқ
Ким билан ишлаш маъқулроқ, мижоз ёки ҳамкор билан? Ушбу савол ҳар бир менежерга тааллуқли. Бу ерда қуйидаги ёндашувларни қўллаш мумкин:
1.Мулоқотларда ишончли муҳит яратиш.
2.Ҳамкордан муаммо тўғрисида батафсилроқ сўзлаб беришни сўраш. Бу томонлар ҳолатини тўғри аниқлашга ёрдам беради.
3.Ҳамкорга вазиятни чуқурроқ тушунишга кўмаклашиш.Масалан, суҳбат чоғида қисқа, эсда қоларли хулосалар қилиб.
4.Муаммо кенгроқ ечимга эга бўлиши учун, ҳамкорни ижодий фикрлашга ундаш.
5.Вужудга келган муаммони ҳал қилишни кечиктирмаслик лозим, бу келажакда Сиз билан ҳамкорлик мунсабатларни аниқлашга турки бўлишини ҳамкорингизга уқтиришингиз лозим.
6.Бошқа имкониятлар билан биргаликда ўзингизни муаммони ечими бўйича шахсий қарорингизни баён этинг. Бу ҳолда ҳамкорингиз қарорни мустақил танлайди, Сиз томондан таклиф этилганни бўлса, нур устига аъло нур.