Zbekiston respublikasi oliy va o‘rta maxsus ta’lim vazirligi

Asosiy qism.
I BOB. Folklor-etnografik jamoalariga beriladigan unvonlar haqida ma’lumot
Badiiy havaskorlikning rivojlanishi natijasida ba’zi jamoalar keyinchalik doimiy faoliyat ko‘rsatuvchi, doimiy ishtirokchilarni birlashtirgan, muhim mashg‘ulot tashkil etilgan, katta ijodiy repertuaga ega jamoaga aylanishi mumkin. Bunday jamoalar faoliyatini rag‘batlantirish, ularning rahbarlarini moddiy tomondan qo‘llab-quvvatlash maqsadida jamoalarga «Xalq havaskorlik jamoasi», bolalar jamoalariga esa «Namunali bolalar jamoasi» unvonlari ta’sis etilgan. Bu holda mazkur jamoalarga tegishli shtat birliklari ajratilib, mahalliy mablag‘lar hisobidan moliyalashtiriladi. «Xalq havaskorlik jamoasi» hamda «Namunali bolalar jamoasi» unvonlari madaniy-ma’rifiy muassasalar, maktabdan tashqari muassasalar, korhona va tashkilotlar, shuningdek, kasaba uyushmalar qoshida doimiy faoliyat ko‘rsatayotgan havaskorlik jamoalarga beriladi.
Xalq amaliy san’ati, tasviriy san’at, kino, suratga olish kabi yo‘nalishlarda faoliyat ko‘rsatayotgan jamoalarga «Xalq havaskorlik sudiyasi», san’atning musiqiy yo‘nalishidagi badiiy havaskorlik jamoalariga «Xalq Havaskorlik jamoasi», dramatik yo‘nalishdagi jamoalarga – «Xalq teatri» unvonlari ko‘rinishi rasmiylashtirilib,² ularga unvonni tasdiqlovchi diplomlar Respublika madaniyat muassasalari faoliyatini tashkil etish ilmiy-metodik markazi tomonidan beriladi.
Unvonga tavsiya etilayotgan jamoalar ijrochilik mahorati yuqori saviyaga ko‘tarilgan, san’atsevar tomoshabinlar mehrini qozongan, milliy urf-odat va an’analarimiz, qadriyatlarimiz, madaniy merosimizni omma orasida keng targ‘ib etadigan repertuarga ega bo‘lishi lozim.
Unvonga sazovor bo‘lgan jamoaga tegishli shtatlar ajratilishi va bu o‘z navbatida mablag‘ ajratilishi bilan bog‘liqligi sababli mahalliy boshqaruv organlari – tuman (shahar) hokimiyatlarining roziligi sifatida viloyat madaniyat va sport ishlari boshqarmasiga hokimlikning tavsiyasi bo‘lishi shart. O‘z navbatida, viloyat Madaniyat boshqarmasi o‘z Kengashida ushbu masalani ko‘rib chiqib, respublika halq ijodiyoti va madaniy-ma’rifiy ishlar ilmiy-metodik markaziga tavsiya xati bilan murojaat etadi.