Bilamizki hozirgi kunda biror korxonaga ishga joylashish uchun bir papka hujjatlar ko`tarib yurish shart emasligi axborot texnologiyalari tomonidan isbotlab berilgan. Bu dasturni ishlab chiqishdan asosiy maqsad ham yurdoshlarimizga bu borada qulayliklar yaratishdir. Zamonaviy axborot-kommunikatsiya texnologiyalari to'plangan axborot mahsulotlarini kishilarga tezkor sur’atda yetkazib, sermehnatlik darajasini kamaytirgan holda mavjud muammolarni hal etish uchun keng imkoniyatlar yaratib bermoqda. Shuning uchun ham axborot-kommunikatsion texnologiyalarini bu sohada ham samarali qo'llash mamlakatni texnologik va iqtisodiy jihatdan rivojlantirishni ifodalovchi ko'rsatkich bo'lib xizmat qiladi. Ma’lum bir obyektiv sabablarga ko'ra, axborotlashtirish jarayoni har bir mamlakatda turlicha yo‘1 va turli sur’atda olib borilmoqda.
O‘zbekistonning iqtisodiy va ijtimoiy sohalarida ham yuqori natijalarga erishishi, jahon iqtisodiy tizimida to'laqonli sheriklik o'rnini egallay borishi, inson faoliyatining barcha jabhalarida zamonaviy axborot texnologiyalaridan yuqori darajada foydalanish ko'lamlari qanday bo'lishiga hamda bu texnologiyalar ijtimoiy mehnat samaradorligini oshishida qanday rol o'ynashiga bog'liq. Bu borada Birinchi Prezidentimiz I. A. Karimov ta’kidlaganlaridek: „Bugungi kunda milliy axborot tizimini shakllantirish jarayonida Internet va boshqa global axborot tizimlaridan foydalanish ayniqsa muhim ahamiyatga ega. Bunga erishish XXI asrda mamlakat taraqqiyoti uchun hal qiluvchi ahamiyat kasb etadi“.
Yaratilgan ushbu dastur orqali fuqarolarimiz biror ish toppish uchun “yugur-yugurlar” haqida butkul unutishlari mumkin.. Qolgan ishlarni esa dasturning o`zi bajarib, mavjud korxona operatorlariga foydalanuvchi to`ldirgan so`rovnomani yuboradi. Uyog`i esa operatorlaning ishi bo`lib, foydalanuvchi bilan shaxsan aloqaga chiqishadi.
Yangilanayotgan O‘zbekiston o‘z oldiga bugun shunchaki rivojlanishni emas, balki jamiyat hayotining turli sohalarida amalga oshirilayotgan keng qamrovli islohotlar natijasida eng kuchli davlatlar qatoridan o‘rin olishni asosiy marra qilib qo‘ygan. Buni oldindan ko‘ra bilgan, his qilgan Prezidentimiz Shavkat Mirziyoyev parlamentga Murojaatnomasida taraqqiyotga erishish uchun raqamli bilimlar hamda zamonaviy axborot texnologiyalarini egallashimiz zarur va shartligi, bu bizga yuksalishning eng qisqa yo‘lidan borish imkoniyatini berishi, zero, bugun dunyoda barcha sohalarga axborot texnologiyalari chuqur kirib borayotganligiga alohida e’tibor qaratdi.
Shuningdek, raqamli iqtisodiyotni shakllantirish kerakli infratuzilma, ko‘p mablag‘ va mehnat resurslarini talab etishi, biroq qanchalik qiyin bo‘lmasin, bu ishga bugun kirishishimiz zarurligi, shu bois raqamli iqtisodiyotga faol o‘tish – kelgusi besh yildagi eng ustuvor vazifalarimizdan biri sifatida belgilab berildi. Chunki raqamli texnologiyalar mahsulot va xizmatlar sifatini oshiradi, ortiqcha xarajatlarni kamaytiradi. Shu bilan birga, eng og‘ir illatlardan biri – korrupsiya balosini yo‘qotishda ham ular samarali vosita bo‘lib xizmat qiladi.
So‘nggi ikki yilda mamlakatimizda zamonaviy elektron davlat xizmatlarini ko‘rsatishning yaxlit tizimini yaratish, davlat organlarining aholi va tadbirkorlik sub’ektlari bilan o‘zaro hamkorligining yangi mexanizmlarini joriy etish yuzasidan izchil ishlar olib borildi.
Aholi va tadbirkorlik sub’ektlarining davlat organlari bilan kontaktsiz aloqa shakllarini yanada rivojlantirish maqsadida Yagona interaktiv davlat xizmatlari portali ishlab chiqildi (https://my.gov.uz). Bugungi kunda portal orqali 176 tadan ortiq elektron davlat xizmati taqdim etilmoqda.
Aynan shunday yetuk loyihalarni nafaqat davlat organlari, shu bilan birga nodavlat tashkilot va korxonalariga qo`llay bilish tom ma’noda yurtdoshlarimizning IT sohasidagi savodxonligining yuksalishiga ham olib keladi. Ularning og`irini yengil qilib, o`zlari izlagan savollariga javob topishda ko`maklashadi.
