Ҳ и с о б о т и I. Озиқ-овқат маҳсулотлари етиштиришни кўпайтириш орқали бозорлардаги нарх-наво барқарорлигини таъминлаш

10.Нарх-наво барқарорлигини таъминлаш бўйича
10.1 Вилоят аҳолисини асосий турдаги маҳсулотларга бўлган эҳтиёжини қоплашга ҳамда ички бозорлардаги озиқ-овқат маҳсулотлари нархларини барқарорлигини сақлаб қолиш бўйича апрел-июн ойларида 200 тонна мол ва қўй гўшти, 75 тонна товуқ гўшти, 700 тонна картошка, 400 тонна пиёз, 400 тонна сабзи, 150 тонна ўсимлик ёғи, 15,0 минг дона тухум, 310 тонна ун, 100 тонна гуруч маҳсулотлари билан таъминлаш.
10.2. Ички имкониятлар орқали қопланмайдиган 2 турдаги озиқ-овқат маҳсулотлари, хусусан, 500 тонна ўсимлик ёғи, 1 000 тонна шакарни импорт ҳисобидан ички бозорга етказиб бериш чораларини кўрилади.
II. Бизнес ва тадбиркорликни янада қўллаб-қувватлаш йўналишида.
1. Макроиқтисодий барқарорликни таъминлаш йўналишида:
1.1.Вилоятда ялпи ички маҳсулот ҳажмини I-ярим йиллик якуни билан
5,4 фоизга(24,9 трлн.сўм), йил якуни билан 7,3фоизга(53,2 трлн.сўм)ўсиши таъминланади.
1.2.Аҳоли бандлигини таъминлаш мақсадида апрел-декабр ойларида
353,1 мингта(йиллик режа 477,4 мингта, шундан, 2-чоракда 189,6 мингта) доимий ва вақтинча янги иш ўринлари яратилади(Маълумот учун, 1-чорак давомида 123,8 мингта янги иш ўринлари ташкил этилган).
2. Бизнес ва тадбиркорликни янада қўллаб-қувватлаш йўналишида:
2.1Жорий йилнинг 1-чораги давомида 1,9мингта янги кичик бизнес субъектлари ташкил этилди. (саноатда 416 та, қишлоқ хўжалигида 158 та, қурилишда 146 та ва хизмат кўрсатишда 1172 та).
Йил якунига қадар яна 6,8 мингта тадбиркорлик субъектлари ташкил этилиб уларнинг сони 50мингтадан оширилади ва 147,1 мингта янги иш ўринлари яратилади.
2.2. Ҳудудларда тадбиркорлар билан ўтказилган сайёр учрашувларда кўтарилган масалалар ва билдирилган таклифлар асосида ихтисослаштирилган саноат зоналарини ташкил этилади.
Мисол учун, Бувайда туманида “Чўмбоғиш” қишлоғида ўзининг хонадаонида мебелчилик билан шуғулланаётган тадбиркорларнинг таклифларини инобатга олган ҳолда, МФЙ ҳудудида 22,4 гектар ер майдонида “Мебел маҳсулотлари ишлаб чиқариш ва сотиш саноат зонаси”ни ташкил этиш натижасида 632 та тадбиркорлик субъектлари жойлаштирилади ва 44,4 млрд сўмлик маҳсулот ишлаб чиқарилиб,3,0 мингга яқинаҳоли бандлиги таъминланади.
Марғилон шаҳри, Қўштепа ва Тошлоқ туманлари учун ушбу ҳудудларга яқин масофада жойлашган Қўштепа туманининг “Нурафшон” маҳалласидаги собиқ “Агро кимё ҳимоя” ташкилотининг жами 3,5 гектар (туман ҳокимлиги заҳирасидаги) бўш турган ер майдонида чарм поябзал маҳсулотлари ишлаб чиқариш ва сотиш бўйича “Ихтисослашган саноат зонасини” ташкил этиш ҳисобига 5,4 мингта расмий иш ўринлари ташкил этилади, шундан қўшимча 2,2 мингта янги иш ўринлари яратилади.