1-Amaliy mashg‘ulot Avtotransport vositalarining yonilg‘i moylarini ifloslanishini o‘rganish Ishdan maqsad

Yonilg‘i-moylash materiallarining sarfiga atrof-muhit ha­rorati­ning ta’siri. Havoning harorati yuqori bo‘lganda uning zichligi pasayishi natijasida dvigatelning ishi yomonlashadi, ya’ni ularning quvvati pasayadi va yonilg‘i sarfi or­tadi. Havoning zichligi past bo‘lganda pnevmouzatmali tormoz sistemasi komp­res­sorlarining ishi buziladi. Gidrouzatmali tormoz sis­temalarida harorat­ning ortishi natijasida bug‘ tiqinlari paydo bo‘lib, sistemaning ishiga salbiy ta’sir ko‘rsatadi. Yuqori haroratli sharoitda yonilg‘i bilan ta’minlash, sovitish, moylash va elektr jihozlari sistema­lari­ning ishlashiga bo‘lgan talab o‘zgaradi. Mashi­na­larni loyihalashda buni albatta hisobga olish lozim.

Atrof-muhit haroratining yuqori bo‘lishi transmissiya, motor, rul mexa­ni­z­mi­­dagi moyning ko‘proq qizishi va uning moylash sifatiga salbiy ta’sir ko‘rsatadi.

Motorning maksimal harorat rejimi 80-100°S ga teng bo‘lib, bu qiymat­ning ko‘tarilishi yonilg‘i-havo aralashmasi haroratining ko‘tarilishiga olib ke­la­di, natijada motorning quvvati va uning iqtisodiy ko‘rsatkichlari pasayadi. Masa­lan, karbyuratorga kirayotgan havoning harorati 20°S dan 80°S ga ko‘ta­ril­ganda motorning quvvati 15% pasayadi, yonilg‘ining solishtirma sarfi esa 16-17% oshadi. Bundan tashqari, yonilg‘i-havo aralashmasining harorati ko‘tari­li­shi motor silindridagi aralashmaning barvaqtroq yonish (portlab yonish) xavfini oshiradi.

Atrof-muhit harorati 32-35°S dan yuqori bo‘lganda mashina kichik tezlik va katta yuklanishda ishlasa, motorning 100°S gacha qizishi natijasida uning issiq­lik rejimi yomonlashadi va quvvati pasayadi. Demak motor silindr­lariga yuqori haroratli havoning kirishi uning quvvatini pasaytiradi.