1. Davlat va jamiyat qurilishi / Davlat dasturlari, konsepsiyalari va boshqalar]

O‘zbekiston Respublikasi Prezidenti qarori loyihasi.
Loyihada:
kadrlarni tanlash va ishga qabul qilishda ularning intellektual salohiyatini, ma’naviy fazilatlarini baholaydigan ochiq va oshkora tizimni joriy qilish;
korrupsiyaning oldini olish bo‘yicha davlat xizmatchilarini muntazam o‘qitish va bilimini baholab borish tizimini joriy etish;
vazirlar va ularning o‘rinbosarlari faoliyatini joylarda, shu jumladan mahallalarda amalda qanday o‘zgarish bo‘lganiga qarab baholab borish tizimini yo‘lga qo‘yish nazarda tutiladi.

8.	O‘zbekiston Respublikasi Prezidenti hujjatlari va topshiriqlari ijrosini nazorat qilishning yangi tizimini yo‘lga qo‘yish.	2021-yil 1-mart	Adliya vazirligi, Davlat xizmatini rivojlantirish agentligi, Davlat boshqaruvi akademiyasi, vazirlik va idoralar	-	-	Normativ-huquqiy hujjatlar loyihalari. Loyihalarda: Adliya vazirligi qonuniy faoliyatiga to‘sqinlik qilish va majburiy bo‘lgan ko‘rsatmalar talablarini bajarmaslik, “Ijro.gov.uz” tizimiga zarur ma’lumotlarni kiritmaslik yoki O‘zbekiston Respublikasi Prezidentining hujjatlari va topshiriqlarini o‘z muddatida bajarmaslik yoki sifatsiz ijro etish holatlari bo‘yicha mansabdor shaxslarning mas’uliyatini oshirish; O‘zbekiston Respublikasi Prezidentining hujjatlari va topshiriqlari mas’ullarga yetkazish, tushuntirish, amaliyotda qo‘llashga ko‘maklashish va hokimiyatlar bo‘linishi tamoyiliga qat’iy rioya qilingan holda nazorat qilish bo‘yicha Adliya vazirligi vakolatlarini kengaytirish; O‘zbekiston Respublikasi Prezidentining hujjatlari va topshiriqlari ijrosini tashkil etishda jamoatchilik ishtiroki va nazoratini keng yo‘lga qo‘yish maqsadida “jamoatchilik eshituvlari” va “jamoatchilik monitoringi” tizimlarini joriy etish hamda bu jarayonda fuqarolik jamiyati institutlari, ommaviy axborot vositalari va fuqarolarning faol ishtirokini ta’minlash; tahlillar asosida tegishli davlat idoralarining ijroga xalaqit berayotgan ortiqcha vazifa va funksiyalarni qisqartirish; ommaviy axborot vositalarida xalqqa islohotlar mohiyati va natijalarini yetkazib borishga qaratilgan “Prezident qarorlari — hayotda va nazoratda” mavzusida ko‘rsatuv va chiqishlar tashkil etish tizimini yo‘lga qo‘yish; tegishli davlat organlaridagi ijro sifati va holatini viloyat, tuman va shahar xalq deputatlari Kengashlarida, respublika darajasida esa — Vazirlar Mahkamasida har oyda tanqidiy muhokama qilib borish amaliyotini joriy etish nazarda tutiladi.
9.	Xotin-qizlarning jamiyat va davlat boshqaruvidagi mavqeyini yanada oshirishga qaratilgan yaxlit tizimni yaratish.	2021-yil 1-mart	Oliy Majlis Senati (kelishuv asosida), Vazirlar Mahkamasi, Mahalla va oilani qo‘llab-quvvatlash vazirligi, Xalq banki	400 mlrd so‘m	Davlat budjeti mablag‘lari