1. Ishlab chiqarishni rivojlantirish konsepsiyasi

1.Ishlab chiqarishni rivojlantirish konsepsiyasi bunda eng muhim masala yaxshi tovar ishlab chiqarish va uni xaridorga arzon narxlarda sotish deb hisoblanadi.
Konsepsiya shiori - «imkoni boricha ko’proq tovar ishlab chiqar, chunki bozortalabi cheksiz».
Bunda mahsulot sifati ikkinchi darajali bo’lib qoladi. Ishlab chiqaruvchilar xaridorlar uchun hamyonbop mahsulot ishlab chiqarish uchun sifat darajasi pasaytiradilar.
2.Tovar yoki xizmatlarni takomillashtirish konsepsiyasi iste’molchi e’tiborini tovarga, uning sifatiga va narxiga qaratishini talab etadi. Ushbu konsepsiya ishlab chiqarishni rivojlantirish konsepsiyasidan tubdan farq qiladi. Ishlab chiqarishni rivojlantirish konsepsiyasida tovarni ko’proq ishlab chiqarish asosiy maqsad bo’lsa, tovar yoki xizmatni takomillashtirish konsepsiyasida asosiy maqsad tovar sifati hisoblanadi. Biroq bu konsepsiya konsepsiya har doim muvoffaqiyat keltirmaydi. Bu konsepsiyadan asosan brend darjadagi kompaniyalar foydalanadi. Apple kompaniyasi bunga misol bo’la oladi
3.Sotishni faollashtirish konsepsiyasi. Bu konsepsiya boshqa firmalar bilan raqobat olib borishga o’xshaydi. Siz tovarni ishlab chiqardingiz, bozorga olib bordingiz, lekin tovaringizning bozori chaqqon emas. Siz sotish hajmini kengaytirish uchun “Sotishni faollashtirish konsepsiyasi”ga o’tishingiz kerak bo’ladi.Bunda siz iste’molchilarni jalb qilish uchun mahsulotni reklama qilishingiz, chegirmalar va turli xil aksiyalar e’lon qilishingiz mumkin. Lekin bu konsepsiyadan doimiy foydalanib borish sizning foydangizga ishlamasligi mumkin. Shu sababli bu konsepsiyadan ma’lum muddat oralig’ida amalga oshirish maqul keladi.
4.Sof marketing konsepsiyasi. O’tgan asrning 50-yillari o’rtalaridan boshlab marketing bozor konsepsiyasi tarzida boshqarishda firmaning faqat bozor strategiyasini emas, balki ishlab chiqarish strategiyasini ham belgilaydigan etakchi vazifaga aylandi. Marketing xizmati firmaning asosiy boshqarish markazi, bozor, ishlab chiqarish, ilmiy-texnika va moliyaviy faoliyati masalalari bo’yicha axborotlar va tavsiyalar manbai bo’lib qoldi. Marketing xizmati ijtimoiy talab va bozor kon‘yunkturasi holati hamda o’zgarishlarini batafsil tahlil qilish asosida u yoki bu tovarni ishlab chiqarish zarurati, istiqboli va foydadorligi, ishlab chiqarish dasturlarini moddiy-texnika jihatlaridan ta‘minlash imkoniyatlari to’g’risidagi masalalarni hal etadi.
Korxona va firmalar har doim iste’molchilarga tovarlarni to’g’ridan-to’g’ri yetkazib bermaydi. Sotuvchi yoki davlat orqali iste’molchilarga yetkazishi ham mumkin. Sof marketing konsepsiyasi esa korxonalarning marketing modelini ta’riflab beradi. Har bir korxona o’z faoliyatidan kelib chiqib o’z modelini tanlab oladi hamda shu modelga asoslanib ish yuritadilar. Quyidagi jadvalda modellarning turlari batafsil bayon etilgan.