1-ma’ruza: “radiotexnik sistemalar nazariyasi” faniga kirish. Radiotexnik sistemalarning klassifikatsiyasi

1.2. Radiotexnik tizimlarning hozirgi zamon jamiyatida tutgan o‘rni

Insonlar yashash sharoitlarining kundan kunga yaxshilanib borayotgani uchun axborotlar almashish hajmining oshishi shu hududda yoki shahar, davlatda yashovchi aholi sonining oshishiga qaraganda yuqori ko‘rsatkichlar bilan ortib bormoqda. Jamiyatning tezkorlik bilan rivojlanishida texnik vositalar, birinchi navbatda turli radiotexnik tizimlarning yaratilganligi va kelajagi katta ahamiyatga ega.

Radioaloqa insonning ishlab chiqarish faoliyatida va shaxsiy hayotida katta o‘rin egallasa, radioeshittirish va teleko‘rsatuv tizimlari ularga yangi xabarlarni yetkazadi, madaniy hordiq chiqarishiga, bilimlar olishiga va boshqa tur axborotlarni u yashayotgan manzil qaerda bo‘lishidan qat’iy nazar olishiga xizmat qiladi. Radiolokatsiya va radionavigatsiya tizimlari esa havo va suv transportini tashkil etishda ularning xavfsiz harakatiga xizmat qiladi.
Radiotexnik tizimlardan meditsinada, turli ilmiy-tekshirish ishlarini bajarishda, metrologiyada, geologiyada, fizikada va boshqa turli sohalarda keng foydalanish ushbu sohalarning o‘z oldiga qo‘yilgan murakkab muammolarini yechishiga katta hissa qo‘shmoqda. Hozirda birorta katta ilmiy salohiyat talab qiladigan fizik yoki medisina, biologiya muammosini yechish turli radioelektron vositalar yordamida amalga oshiriladi.
Radiotexnik tizimlar kosmik fazoni tahlil etishda ham asosiy vosita hisoblanadi. RTTlardan qurolli kuchlar, davlat xavfsizligi, ichki ishlar va favqulotda vaziyatlar organlarida keng foydalaniladi.
Inson faoliyatining deyarli hamma sohalarida radioelektronika yutuqlaridan keng foydalaniladi. Radiotexnika va elektronikasiz jamiyatning rivojlanish kelajagini tasavvur qilib bo‘lmaydi.


1.3. Radiotexnik tizimlarning turlarga bo‘linishi

1.3.1. Radiotexnik tizimlarni ularning vazifasiga qarab ajratish

Radiotexnik tizimlarni ularning vazifasiga qarab quyidagi turlarga bo‘lish mumkin. Radiotexnik tizimlarni ularning turli belgilariga qarab bir-biridan farqlash mumkin. RTTning asosiy vazifasi iste’molchiga axborot yetkazib berish, shuning uchun uning asosiy belgisi sifatida axborotning mazmuni yoki tizim bajaradigan vazifa tanlanadi.
Yuqoridagilar asosida hamma RTTlarni quyidagi turlarga ajratish mumkin:

•