1-мавзу ҳУҚУҚшунос мутахассис шаклланишида замонавий иш кўникмалари ва компетенцияларнинг роли

1-МАВЗУ


ҲУҚУҚШУНОС МУТАХАССИС ШАКЛЛАНИШИДА ЗАМОНАВИЙ ИШ КЎНИКМАЛАРИ ВА КОМПЕТЕНЦИЯЛАРНИНГ РОЛИ

Казуслар
1. Сиз ташкилот раҳбарисиз. Ташкилотингизда ҳал қилиниши керак бўлган муаммолар мавжуд. Уларнинг ечими борасида фикрларингизни жамлаб, ёзиб олдингиз. Эндиги вазифа – муаммоларнинг ечимини амалга оширишга масъул бўлган ходимларингизни белгилаб олиш эди. Шу мақсадда рўйхат тузиб, унга ўзингиз ишонган 10 нафар ходимингизни киритдингиз.
Ходимларингизни йиғиб, мавжуд муаммолар ҳақида маълумот етказиб, уларга вазифаларни тақсимлаб бердингиз. Йиғилиш сўнгида саволлар бор-йўқлигини сўрадингиз.
Шунда ходимларингиздан бири қўл кўтариб, фикр билдиришга рухсат сўради. Сиз унга сўз бердингиз. Ходимингиз эса шундай деди:
“Менга берилган вазифани бажариш муаммога ечим бўла олмайди, деб ўйлайман. Мен буни ўз тажрибамга таяниб айтишим мумкин. Агар буни бошқа ходим бажаришни истаса, мени рўйхатдан чиқариб ташлашингизни сўрайман”.
Савол: Сиз ишонч билдириб вазифани тақсимлаб берган ходимингизнинг барчанинг ҳузурида бундай фикрини эшитгач, унга қандай жавоб қайтарган бўлар эдингиз?
Вазиятни “soft skills” нуқтаи назаридан таҳлил қилинг.
2. Университетни битиргач, сиз машҳур адвокатлик фирмасига адвокат ёрдамчиси бўлиб ишга жойлашдингиз. Биринчи иш кунингиз бир одам сизга телефон қилмоқда. Уни адвокат билан боғлаш керак бўлмаса-да, кўнглини асло ранжитиб бўлмайди. Суҳбат, масалан, қуйидагича кечиши мумкин:

• 
  Мени Соҳиб Алматович билан боғлаб беринг, илтимос, биз у киши билан бир муҳим масалани муҳокама қилишимиз керак.
  
• 
  Жавоб: .....
  
• 
  Мен у билан албатта гаплашишим керак, бу жуда муҳим.
  
• 
  Жавоб: ......
  
• 
  Агар у киши билан мени боғламасангиз, ўйлайманки, Соҳиб Алматович сиздан норози бўлади.
  
• 
  Жавоб: .....
  
• 
  Бир нарсани билингки, мен Соҳиб Алматович билан боғланиш йўлини барибир топаман, шунда сиз айбдор бўлиб қоласиз.
  
•