1-Мавзу: Ўзбекистон миллий тараққиётининг янги босқичида фуқаролик жамиятининг шаклланиши ва ривожланиши

Ўзбекистоннинг бош стратегик мақсади – демократик давлат ва адолатли фуқаролик жамиятини барпо этишдан иборат. Бизнинг устувор вазифамиз “Кучли жамиятдан – кучли фуқаролик жамияти сари”концепциясини амалга оширишдан иборат. Шу мақсадда жамоатчилик назоратини амалга оширишнинг самарали механизмларни ишлаб чиқиш, жамиятимизда маҳалла институтининг роли ва аҳамиятини янада кучайтириш, ҳуқуқ ва ваколатларини кенгайтириш, шунингдек, моддий-техника базани мустаҳкамлаш бўйича чора-тадбилар ишлаб чиқилди.




Фан объекти – Ўзбекистонни ривожлантириш стратегиясида фуқароларнинг ижтимоий-сиёсий жараёнларидаги иштироки ҳисобланади.




Фанининг предмети шахс-жамият –давлат ўртасидаги муносабатлар мужмуини ташкил этади. Шахснинг жамият билан алоқаси унинг ҳаётининг барча давридаги асосий ўринда туради. Жамиятда инсон туғилиб ўсади, ривожланади, ҳаракат қилади у ё бу мақомга эга шахсга айланади.Индивиднинг шахс бўлиб шаклланишида у яшаётган жамият шарт-шароит, шахснинг ўз ўрнини топишида авваламбор унинг ижтимоий ҳаётга муносиб қобилиятлари ривожлантириши ва амалий фаолияти қаратилган сайҳ-ҳаракатига боғлиқ.



Шахс

Шахсахс

Хўш, Ўзбекистонни ривожлантириш стратегияси, фуқаролик жамияти нима учун ўрганилади? Аввало, бугунги «Янгиланаётган Ўзбекистон»да Ўзбекистонни ривожлантириш стратегияси фанини ўрганиш заруратлари нималарда акс этади:
Биринчидан, дунёнинг аксарият давлатларида қарор топган миллий ривожланиш йўлини танлаб олиши, жаҳонда ўз ўрнига эга бўлиш учун курашда ўз тараққиёт стратегияси билан боғлиқ масалаларни фан сифатида ўрганишни тақозо этмоқда.
Иккинчидан, Ўзбекистонда барпо этилаётган миллий менталитетига хос стратегияси режасини аниқлаш, унинг фуқаролик жамияти билан боғлиқлигини ўрганиш зарурияти ҳам шу қонуният билан боғлиқ заруриятга айланди;
Учинчидан, Шарқ ва Ғарб цивилизациялари туташган маконда тарихда биринчи бор умумэътироф этилган миллий ғоя тамойиллари миллий қадриятлар билан уйғунлаштирилган ҳолда фуқаролар яшаётган жамиятда рўй бераётган ижтимоий ҳодисалар, воқеалар ва улар ўртасидаги ўзаро боғланишларни аниқ воқелигимиз билан чамбарчас ўрганиш, таҳлил этиш зарурати мавжудлиги;
Тўртинчидан, бу фан энг аввало мамлакатимизнинг ўзига хос хусусиятларидан келиб чиқиб, адолатли ғоявий давлат ва очиқ фуқаролик жамиятини барпо этишнинг нафақат назарий масалаларини, балки унинг амалий жиҳатларни ҳам яхлит тарзда ўрганишни талаб этади;
Бешинчидан, мамлакатимиз Президенти Шавкат Мирзиёев томонидан изчил давом эттирилаётган умумстратегик вазифаларни амалга оширишнинг аниқ йўналишлари бевосита фуқароларнинг давлат ва жамият билан боғлиқ муносабатларида: “Халқ давлат идораларига эмас, давлат идоралари халқимизга хизмат қилиши керак”, “Халқ биздан рози бўлса, Яратган ҳам биздан рози бўлади” каби даъватларига мувофиқ иш юритиш заруратидан келиб чиқди. Юқоридаги қайд этилган заруратларга мувофиқ Ўзбекистонни ривожлантириш стратегияси ва фуқаролик жамияти фанини олий ўқув юртларининг юқори курс талабаларига ўқитиш белгилаб қуйилди.
Ўзбекистон биринчи Президенти И.А.Каримов «Бизнинг бош стратегик мақсадимиз қатъий ва ўзгармас бўлиб, бозор иқтисодиётига асосланган эркин демократик давлат барпо этиш, фуқаролик жамиятининг мустаҳкам пойдеворини шакллантиришдан иборат»¹ деб таъкидлаган эдилар.