1-mavzu(2-qism): Psixologiya fan sifatida

3. Psixologiya tarmoqlari.

• Hozirgi zamon psixologiya sohalari hozirgi kunga kelib 300 dan ortiqni tashkil qiladi. Bu borada professor A.V. Petrovskiy psixologiya fan sohalarini quyidagicha tasniflashni ilgari surdi:
• Aniq faoliyat turlarini o‘rganuvchi psixologiya sohalari.
• Rivojlanishning yosh xususiyatlarini o‘rganuvchi psixologiya sohalari.
• Shaxs va jamiyatga bo‘lgan munosabatni o‘rganuvchi psixologiya sohalari.

Aniq faoliyat turiga ko‘ra psixologiyaning quyidagi turlari mavjud:

• Mehnat psixologiyasi: inson mehnat faoliyatining psixologik xususiyatlarini, mehnatni ilmiy asosda tashkil qilishning psixologik tamoyillarini o‘rganadi.
• Pedagogik psixologiya − uning predmeti o‘quvchilarga ta’lim-tarbiya berishning psixologik qonuniyatlarini o‘rganish, o‘quvchilar tafakkurini taraqqiy topishi, intellektual faoliyat malakalari va usullarini o‘zlashtirish jarayonini boshqarish masalalarini o‘rganadi.
• Tibbiyot psixologiyasi − shifokor faoliyatining va bemor xulq-atvorining psixologik jihatlarini o‘rganadi.
• Yuridik psixologiya − huquq tizimi bilan bog‘liq bo‘lgan psixologik masalalarni o‘rganadi.
• Harbiy psixologiya − kishining harbiy harakatlar sharoitidagi xulq-atvori bilan bog‘liq hodisalar o‘rtasidagi o‘zaro munosabatlarini, psixologik targ‘ibot metodlarini, harbiy texnikani boshqarishning psixologik muammolarini o‘rganadi.
• Sport psixologiyasi − sportchilar shaxsi va faoliyati xususiyatlarini, ularning psixologik jihatdan tayyorligining shart-sharoitlari, musobaqalarni tashkil etish va o‘tkazish bilan bog‘liq psixologik omillarni o‘rganadi.
• Savdo psixologiyasi − asosan, rivojlangan mamlakatlarda keng taraqqiy etgan bo‘lib, kishilar ruhiyatiga tijorat ta’sirini psixologik shart-sharoitini, xaridorlarga xizmat ko‘rsatishning psixologik omillarini aniqlaydi.

Mustaqil topshiriqlar:

• Psixologiyaning mustaqil fan sifatida shakllanishi.
• Psixologik maktablar to‘g‘risidagi mulohazalar.
• Psixologiya rivojiga hissa qo‘shgan ulug‘ olimlar.
• Psixologiya fani rivojlanishining zamonaviy tendensiyalari.

 

Foydalanilgan adabiyotlar:

• Myers D.G. Psychology. Ninth Edition. – Worth Publishers, 2010. – 910 p. Schiffman H.R. Sensation and Perception: An Integrated Approach. 5th Edition. – John Wiley & Sons, 2001. – 608 p.
• Ғозиев Э.Ғ. Умумий психология. Т.: Ўқитувчи, 2010.
• Barotov Sh.R. Umumiy psixologiya darslik. Durdona. Buxoro 2019.

• E’tiboringiz uchun raxmat!