1-Qism Nazariy ma’lumot *Testlar

1-Qism


*Nazariy ma’lumot
*Testlar yechimlari

KIRISH

“Kadrlar tayyorlash milliy dasturi” tizimida ta’limda uzluksizlikni ta’minlash bo’g’ini yoshlarni qiziqishi va iqtidorini e’tiborga olib, kasbga yo’naltirish hisoblanadi. Shundan kelib chiqib tabiiy va tibbiyot yo’nalishida Akademik litseylar o’quvchilari uchun ko’plab qo’llanma va darsliklar chop etilgan. Ularda asosan oliy oq’uv yurtlariga kirish uchun nazariy ma’lumotlar va amaliy mashg’ulotlar berilgan.
Qo’lingizdagi qo’llanma esa Akademik litseylarning tabiiy yo’nalishi 3 yillik o’quv rejasi asosida tuzilgan bo’lib, unda umumiy, anorganik va organik kimyodan nazariy ma’lumotlar, masalalarning yechimlari keltirilgan. Uni tayyorlashda mavzuni yoritish uchun iloji boricha qisqa va to’liqroq ma’lumot berishga harakat qilindi.
Hozirda kirish imtihonlarida test topshiriqlarini yechish usullari bo’yicha juda ko’p qo’llanmalar mavjudligiga qaramasdan, ularning ko’pchiligida masalalar yechish turli xil proportsiyalar tuzishga asoslanadi. Bu esa o’quvchida bir tomonlama, ya’ni faqat masalani yechimini topishdan boshqa maqsad qoldirmasligiga olib kelishi mumkin. Shuning uchun biz qo’llanmada iloji boricha test topshiriqlarini yechishda kimyoviy formulalardan foydalanishga, kattaliklarni to’g’ri keltirishga harakat qildik. Qo’llanmada barcha kattaliklar Xalqaro birliklar sistemasi (SI) va belgilashlariga mos tushadi.
Ushbu qo’llanmani Kimyodan mavzulashtirilgan testlar to’plami bilan birgalikda foydalanish maqsadga muvofiq. Chunki unda mustaqil yechish uchun masalalar keltirilmagan.
Qo’llanmadan Akademik litsey o’quvchilari, kirish imtihonlariga tayyorlanuvchi abituriyentlar va repetitorlar foydalanishlari mumkin.
Qo’’lanmani ko’rib chiqib o’z fikrlarini bildirganligi uchun mualliflar anorganik kimyo kafedrasi dotsenti, kimyo fanlari nomzodi, dotsent Lutfullayev E.L., SamQXI qoshidagi 1 son Akademik litseyi kimyo fani o’qituvchisi G’ofurov A. larga chuqur minnatdorlik bildiradi.
Mualliflar ushbu qo’llanma bo’yicha barcha fikr va mulohazlarni quyidagi manzilda mamnuniyat bilan qabul qiladi. Samarqand shahri, 140104, Universitet xiyoboni ko’chasi 15, Samarqand davlat universiteti, Kimyo bo’limi, Anorganik kimyo kafedrasi, 408 xona.
E-Mail: [e-mail]

I BOB. ASOSIY KIMYOVIY TUSHUNCHA VA QONUNLAR.