1. Qurilish ishlab chiqarishi – qurilishning tayyorgarlik va asosiy davrlari

Vazifasiga ko‘ra:
- asosiy jarayonlar, bajarilishi natijasida bino va inshootlarning elementlari va qismlari yaratiladi;
- yordamchi jarayonlar (tayyorgarlik) asosiy jarayonlarni me’yorida bajarish uchun zarur bo‘lgan moslamalar;
- tayyorlov jarayonlariga qum, shag‘alni qazib olish, qorishma, beton, qolip (opalubka), armatura elementlarini tayyorlash.
- qurilish maydoniga talab etiladigan moddiy resurslar va yuklarni eltib berish uchun transport faoliyatini yoʻlga qoʻyish.
Jarayonlarni bajarish xususiyatiga ko‘ra:
- uzluksiz jarayonlar, keyingi jarayonlarini amalga oshirishga darhol kirishishga imkon beruvchi jarayonlar;
- uzlukli jarayonlar, keyingi jarayonlarni bajarish oldidan majburiy texnologik tanaffuslarni talab etuvchi jarayonlar.
Umumqurilish ishlari qo‘llanilayotgan va ishlov berilayotgan materiallariga
ko‘ra yer, qoziq, g‘isht-tosh, montaj, beton, tom, pardozlash va boshqa ishlarga bo‘linadi.
Maxsus ishlarga suv ta’minoti, kanalizatsiya, issiq suv, ventilyatsiya, elektromontaj, liftlarni montaj qilish ishlari kiradi.
Yordamchi ishlar qurilishni materiallar, yarimfabrikatlar, detallar bilan ta’minlash uchun mo‘ljallangan va transport hamda ortish-tushirish ishlariga ajratiladi.
Qurilish texnologiyalarining mehnat resurslari. Qurilishdagi ishchilarning kasb va malakalari.
Ishchilarning kasblari – bu ularning doimiy faoliyati bo‘lib, ular bajaradigan ishlarning turi va xususiyati bilan belgilanadi.
Mutaxassislik (ixtisos) – mazkur ish turi bo‘yicha yanada tor ixtisoslik.
Malaka – ma’lum bir murakkablikdagi ishni bajarish uchun bilim va malakalarning mavjudligi. Malakaning ko‘rsatkichi razryad hisoblanib, qurilishda
ishlar va kasblarning yagona tarif-malaka ma’lumotnomasi (YaTMM) da qurilishda qabul qilingan 6 razryadli to‘rni hisobga olib, 179 ta kasbni o‘z ichiga oladi.