1. Ташқи иқтисодий фаолият. Божхона / Божхонага оид қонун ҳужжатлари]

2. IT-парк ва ҳудудлардаги IT-марказларда рақамли технологиялар йўналишида ўқитиш

18.	Давлат божхона қўмитасининг марказий аппарати.	Анъанавий	2022 йил июль — сентябрь	12	Ахборот технологиялари ва коммуникацияларини ривожлантириш вазирлиги (Ш. Шерматов), Давлат божхона қўмитаси (А. Мавлонов)
19.	Давлат божхона қўмитасининг марказий аппарати.	Анъанавий	2022 йил октябрь — декабрь	9	Ахборот технологиялари ва коммуникацияларини ривожлантириш вазирлиги (Ш. Шерматов), Давлат божхона қўмитаси (А. Мавлонов)
20.	Давлат божхона қўмитасининг ҳудудий божхона бошқармалари.	онлайн	2022 йил июль — декабрь	500	Ахборот технологиялари ва коммуникацияларини ривожлантириш вазирлиги (Ш. Шерматов), Давлат божхона қўмитаси (А. Мавлонов)

Ўзбекистон Республикаси Президентининг 2022 йил 27 апрелдаги ПФ-122-сон Фармонига
6-илова
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2018 йил 12 апрелдаги «Ўзбекистон Республикаси давлат божхона хизмати органлари фаолиятини тубдан такомиллаштириш чора-тадбирлари тўғрисида»ги ПФ-5414-сон Фармони 5-бандининг «а» кичик банди қуйидаги таҳрирда баён этилсин:
«а) Стратегик режалаштириш ва божхона тартиб-таомилларини соддалаштириш бошқармаси, унинг асосий вазифалари этиб қуйидагилар белгилансин:
божхона қонунчилигини такомиллаштиришда божхона органларининг ягона позициясини шакллантириш;
Жаҳон савдо ташкилоти, Жаҳон божхона ташкилоти ва бошқа халқаро ташкилотларнинг стандартлари ҳамда тавсияларини таҳлил қилган ҳолда божхона ишини ривожлантириш ва такомиллаштиришнинг устувор йўналишларини ишлаб чиқиш;
божхона қонунчилиги ва ҳуқуқни қўллаш амалиётини янада такомиллаштириш ҳамда ҳуқуқий нормаларни ўзбошимчалик билан, субъектив ва танлов асосида талқин қилиш ҳолатларини истисно этиш юзасидан таклифлар тайёрлаш;
божхона соҳасида ҳуқуқбузарликларни содир этиш сабаб ва шарт-шароитларини тизимли таҳлил қилишни ташкил этиш ҳамда уларни бартараф этиш бўйича таклифлар ишлаб чиқиш;
божхона иши ҳамда божхона органлари ходимларини тайёрлаш ва уларнинг малакасини ошириш соҳасида илғор хорижий тажрибани ўрганиш, уларни Ўзбекистон Республикасида жорий этиш юзасидан таклифлар тайёрлаш.
Бошқарма ходимларига (бошқа давлат органлари ва ташкилотларига хизмат сафарига юборилганлар бундан мустасно) лавозим маошининг 50 фоизи миқдорида ҳар ойлик қўшимча устама ҳақ белгилансин. Бунда, мазкур устама қонунчилик ҳужжатларида белгиланган устамалар билан бир қаторда Давлат божхона қўмитасининг Моддий ёрдам, ижтимоий ҳимоя, божхона органларини ривожлантириш ва кўзда тутилмаган харажатлар махсус жамғармаси маблағлари ҳисобидан тўланади».
2. Ўзбекистон Республикаси Президентининг 2020 йил 5 июндаги «Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида»ги ПФ-6005-сон Фармони 6-банди «а» кичик бандининг биринчи хатбошиси қуйидаги таҳрирда баён этилсин:
«а) Божхона аудити бошқармаси ташкил этилсин ва унга қуйидаги вазифалар юклансин:».
3. Ўзбекистон Республикаси Президентининг 2018 йил 12 апрелдаги «Ўзбекистон Республикаси давлат божхона хизмати органларининг фаолиятини ташкил этиш тўғрисида»ги ПҚ-3665-сон қарорида:
а) 3-банддаги «266» рақами «290» рақами билан алмаштирилсин;
б) 4-бандда:
иккинчи хатбоши «умумий штат бирликлари» сўзларидан кейин «ва меҳнатга ҳақ тўлаш фонди» сўзлари билан тўлдирилсин;
қуйидаги мазмундаги учинчи — бешинчи хатбошилар билан тўлдирилсин:
«умумий штат бирликлари ва меҳнатга ҳақ тўлаш фонди доирасида Давлат божхона қўмитасининг марказий аппарати, Қорақалпоғистон Республикаси, вилоятлар, Тошкент шаҳар бўйича бошқармалари, «Тошкент-АЭРО» ихтисослаштирилган божхона комплекси, Божхона институти, Марказий божхона лабораторияси, Миллий кинология маркази, шунингдек, божхона постларининг ташкилий тузилмасида назарда тутилмаган таркибий тузилмаларни ташкил этиш ҳамда мавжуд таркибий тузилмаларни қайта ташкил этиш ва тугатиш;
Давлат божхона қўмитаси раиси ўринбосарлари ўртасида вазифаларни тақсимлаш;
зарур ҳолларда Давлат божхона қўмитаси раиси ва ўринбосарларининг таркибий тузилмалар устидан мутасаддилигини ўзгартириш»;
учинчи ва тўртинчи хатбошилар тегишинча олтинчи ва еттинчи хатбошилар деб ҳисоблансин;
в) 1 — 7-иловалар қуйидаги таҳрирда баён этилсин:
«Ўзбекистон Республикаси Президентининг 2018 йил 12 апрелдаги ПҚ-3665-сон қарорига
1-ИЛОВА