1-topshiriq a Matnni o‘qing va o‘zga tildan o‘zlashgan atamalarni toping

O‘zbekiston energetikasi - XXI asrda

Aholini va respublika iqtisodiyotini yoqilg‘i, elektr energiyasi bilan ta’minlashni barqarorlashtirish – hozirgi taraqqiyotning eng muhim vazifalaridan biridir. Bu vazifani hal etish esa faqat yoqilg‘i-energetika majmuasining muammosi bo‘lib qolmay, shu bilan birga, iqtisodiyotning barcha tarmoqlari xodimlariga, jumladan, iste’molchilarga ham taalluqlidir. Chunki mavjud yoqilg‘i va elektr energiyasi salohiyatidan oqilona hisob-kitob bilan foydalanish ham ta’minotda ko‘p narsani hal etadi.

Dunyo amaliyoti ko‘rsatadiki, xalq xo‘jaligini yoqilg‘i va elektr energiyasi bilan ta’minlashni barqarorlashtirishda tejamkorlikka amal qilish muhim ahamiyat kasb etadi. Tejamkorlik yo‘lidan borilsa, xalq xo‘jaligini yoqlg‘I va elektr energiyasi bilan ta’minlashga sarflanadigan investitsiya miqdori ham 2-4 barobar hajmda kamayadi. Xullas, yoqilg‘i-energetika resurslarini, ishlab chiqarishni keng ko‘lamda yo‘lga qo‘yish jamiyatning energetikaga bo‘lgan ehtiyojini qondirishning yagona yo‘li bo‘lib qolmay, yoqilg‘i va elektr energiyasidan tejamkorlik bilan foydalanishga o‘tish, samaradorlikni kuchaytirish ham XXI asrdagi eng ustuvor vazifalardan biridir. Mavjud zahiralarni asrab-avaylash, unga oqilona munosabatda bo‘lish mamlakat kelajagi uchun ham zarur.

(“Xalq so‘zi” gazetasidan)

9-topshiriq. Matnni o‘qing va sohaga oid terminlar ishtirorida gaplar tuzing.