1. Toshkent viloyati Chirchiq davlat pedagogika institute haqida qanday hukumat qarorlari mavjud?

2.Kiyinish madaniyatining me’yoriy hujjarlarda o’z aksini topganligini izohlang

Kiyinish madaniyati – ma’naviyatimizni aks ettiruvchi omillardan biri. Yoshlarning, ayniqsa, qizlarning kiyinish madaniyati ko‘pchilik e’tiborida. Shunday ekan, ularning qalbida milliy urf-odat, a’analarga mehr uyg‘otish, qizlarimizni «zamonaviy» deb atalmish ochiq-sochiq kiyinishdan asrash, ya’ni kiyinish odobiga rioya qilishga o‘rgatish, ularning estetik didini o‘stirish dolzarb mavzulardan hisoblanadi. 

Toshkent tibbiyot akademiyasi Urganch filialida 2017 yil 21 aprel kuni filialning majlislar zalida filial Xotin-qizlar qo‘mitasi, “Ma’naviyat va ma’rifat” va iqtidorli yoshlar bilan ishlash bo‘limi,O‘zbekiston Respublikasi Advokatlar palatasi Xorazm viloyati xududiy boshqarmasi hamda Xorazm viloyati hokimligi Xotin-qizlar qo‘mitasi bilan hamkorlikda “O‘zbek qizlari - hayo va ibo timsoli” shiori ostida “Kiyinish odobiga rioya etish-talaba ma’naviyati ko‘zgusi” mavzusida uchrashuv tadbir o‘tkazildi.
O‘tkazilgan tadbirda O‘zbekiston Respublikasi Advokatlar palatasi Xorazm viloyati xududiy boshqarmasi bo‘lim boshlig‘i B.A.Ibodullaeva, viloyat Xotin-qizlar qo‘mitasi Kotibiyat mudiri M.A.Masharipova, O‘zbekiston Musulmonlar idorasi Xorazm viloyati vakilligi Xotin-qizlar masalasi bo‘yicha yordamchi R.Qabulova, Zulfiya nomidagi Davlat mukofoti sovrindori R.Masharipova, filial talaba qizlari hamda ommaviy axborot vositalari xodimlari ishtirok qilishdi.
Tadbirni TTA Urganch filiali Xotin-qizlar qo‘mitasi raisi Z.B.Tojieva o‘zining kirish nutqi bilan ochib berdi. U o‘z nutqida o‘zbek qizlari, ayollari asrlar osha butun jahonda go‘zal xulqi bilan shuhrat qozonganliklari, o‘zbekona hayo-ibo bilan kiyinish ham go‘zal hulqning bezagi ekanligi, qizlarning qalb go‘zalligi, so‘zlashuv va o‘zini tutish odobi, albatta, kiyinish odobida ham yaqqol namoyon bo‘lishi to‘g‘risidagi fikrlarni ilgari surdi. Shuningdek, Z.B.Tojieva o‘z nutqida odobda soliha, fikrda zebo bo‘lish, qisqasi, andishani his etish degan tuyg‘ular bilan qalblarini ziynatlash o‘zbek qizlariga xos ma’naviy boylik ekanligini alohida ta’kidladi.
Uchrashuv tadbirida o‘qilgan ma’ruzalarda Davlatimiz tomonidan oilaga, xususan, ayollarga qaratilayotgan e’tibor va yaratilayotgan shart-sharoitlar to‘g‘risida atroflicha to‘xtalib o‘tildi. Shuningdek, oila – hayotning abadiyligi, avlodlar davomiyligini ta’minlaydigan, muqaddas urf-odatlarimizni saqlaydigan ulug‘ maskan ekanligi, oilaning sog‘lomligi undagi muhit, ota-onaning totuvligi, halollik, poklik, ahillik bor joyda fayzu-baraka bo‘lishi e’tirof etilib, ayol buyuk zot ekanligi, o‘zbek qiz va ayollaridagi ichki va tashqi go‘zallik, ibo va hayo hislatlari ushbu buyuklikning eng asosiy mezoni ekanligi ta’kidlab o‘tildi. Shu bilan bir vaqtda, filial talaba qizlariga kiyinish madaniyatiga rioya qilish har bir talaba qizning ma’naviyat ko‘zgusi ekanligi, ularni nafaqat kiyinish odobida, balki ilmlarni chuqur o‘zlashtirish hamda ilmiy salohiyatda ham namuna bo‘lishga chaqirildi.