12 маъруза мавзуси: Фавқулодда вазиятларда аҳолига хабар бериш, аҳолини хатти-харакати. Режа

Кўчма алоқа воситалари сифатида автомобиллар, мотоцикллар, верталётлар ва югурдаклардан фойдаланилади.
Сигнал берувчи воситалар - ахборот бериш, хабарлаш, бошқариш ва ўзаро ҳамкорлик тадбирларини ўтказиш сигналларини бериш ва эшитиш радиотехника воситаларидир.
Хабар бериш тизими марказлашган ва чекланган қуйи тизимларга бўлинади.
Алоқа ва хабар бериш марказлашган тизими.
Марказлашган хабар бериш тизими деганда тинчлик ва ҳарбий ҳаракатлар даврида фуқаро муҳофазасига масъул ходимларга ҳамда республика аҳолисига сигнал ва керакли ахборотларни тезликда етказиб беришга мўлжалланган техник воситалар, алоқа канали, радио ва телевидение мажмуаси тушунилади.

Ўз вазифаларига қараб марказлашган алоқа тизимлари республика, вилоят, туман, шаҳар, иншоот миқёсида тузилади.
Аҳолига марказлашган ҳолда хабар бериш тизимининг махсус жиҳозланган техник воситалари, Фавқулодда вазиятлар вазирлигининг ҳудудий бошқармалари тасарруфида бўлади. Бу техник воситалар қоида бўйича Ўзбекистон почта ва телекоммуникация агентлигининг корхоналарида жойлаштирилади. Хабар бериш аппаратлари, фавқулодда вазиятлар шаҳар (туман) бўлимларида ўрнатилади, агарда бундай бўлимлар мавжуд бўлмаса, унда кечаю-кундуз тезкор навбатчилик ташкил қилинган жойларда ўрнатилади.



Марказлашган хабар бериш тизими анча қулайликларга эга. Биринчидан, сиренанинг овози шаҳар, туман, вилоятнинг аҳолиси эътиборини жалб қилиш имкониятини беради. Иккинчидан, уни ҳам тинч даврида - табиий офат, авариялар содир бўлганда ва ҳарбий даврда хам қўлланилади. Туманларда ва иқтисодиёт объектларида, овозли сигналларни ва оғзаки хабарларни етказувчи воситаларни ягона марказлашган хабар бериш тизимига бирлаштирувчи махсус аппаратлар мавжуд. Улар ёрдамида, электросиреналарни бошқариш, ходимларга уй ва хизмат телефонлари орқали хабар хабар бериш воситаларини улаш мумкин.
Хабар бериш марказлашган тизими:
-шаҳарларда, туманларда, объектларда ва қишлоқларда йирик аҳоли пунктларида марказлашган тарзда “Диққат барчага!” сигналини беришни;
-симли эшиттириш тармоқлари ва маҳаллий радио эшиттириш станцияларида оғзаки ахборот бериш йўли билан аҳолини хабарлашни;
- ахборотни республика, вилоят, шаҳар, туман, вазирлик ва идораларнинг шаҳарлардаги ва шаҳардан ташқари ҳудудларидаги бошқарув пунктларига, ички ишлар органларига, туман бўлимларига етказишни;
-хонадон ва хизмат телефонларида мансабдор шахсларга доимий (циркуляр) ахборотларни етказишни;
-ФВВнинг кўрсатма сигналларини ФВДТ тузилмаларига, Вазирликлар, Ишлаб чиқариш бирлашмаларига тезкорлик билан етказишни таъминлаши керак.