15-mavzu. Tabiat va inson

Pahlavon [qahramon, botir,] - Barvasta va zabardast; jismoniy baquvvat, bahodir. Pahlavon o‘g‘lon.


2-topshiriq.“Salomatligimiz o’z qo’limizda” mavzusida esse yozing.


3-topshiriq.Salomatlik haqidagi o’zbek xalq maqollaridan namunalar yozing.


4-topshiriq. Mehnat xavfsizligi qoidalarini tuzing.
GRAMMATIKA.
Reportaj tayyorlash.
Axboriy publitsistikaning asosiy janrlaridan biri reportajdir. Reportaj so‘zi lotincha “reportare” yetkazib berish degan ma’noni bildiradi. Reportaj-voqea, hodisalarni bevosita jonli aks ettiruvchi, tezkor yoritib beruvchi axboriy materialdir. Uning oddiy xabardan farqi shuki, xabarda hayotdan olingan fakt, voqea, hodisalar, umumiy, ya’ni, qayd etish tarzida bayon etilsa, reportajda fakt, voqea va hodisalar haqida bevosita, o‘sha voqea, hodisa bo‘lib o‘tayotgan paytda, shu voqea va hodisalar yuz berayotgan joydan to‘g‘ridan to‘g‘ri xabar beriladi. Jonli tasvirlanadi hamda bu jarayonda jurnalist bevosita ishtirok etadi.
Reportaj axborotning o‘ziga xos ko‘rininshi bo‘lganligi boisidan unda ma’lumot berish, xabardor qilish kabi xususiyatlar ham mavjud.
Reportaj aks ettirayotgan obyekti nuqtayi nazaridan voqea (band) reportaji, muayyan mavzuga bag‘ishlangan reportaj, muammoli reportaj, reportaj sharh kabilarga bo‘linadi.
Voqea(band) reportaj hayotda yuz bergan biror muhim ijtimoiy-siyosiy, iqtisodiy yoki madaniy-ma’naviy voqea va hodisa haqida hikoya qiladi. Bunga parlament majlisi, hukumat rahbarlarining rasmiy safarlari va uchrashuvlari, yirik anjumanlar haqidagi reportajlar misol bo‘la oladi.
Muayyan mavzuga bag‘ishlangan reportajlar esa hayotdagi muyyan sohalarga, masalalarga bag‘ishlangan bo‘ladi. Masalan, reporter jamiyat hayotidagi biror bir mavzu, masalan, biror shifoxonaning faoliyati, ilmiy muassasalarda olib borilayotgan ilmiy tadqiqot ishlari va boshqa mavzularni o‘rganib, o‘sha joylardan reportaj olib borishlari mumkin.
Muammoli reportaj esa hayotning ma’lum bir ijtimoiy-siyosiy, iqtisodiy yoki madaniy-ma’naviy muammolarni yoritishga bag‘ishlangan bo‘ladi. Masalan, jurnalist hayotda uchraydigan giyohvandlik, ichkilikbozlik yoki biror boshqa noxush hollar haqida maxsus reportajlar tayyorlashi mumkin. Bunda u shu sohadagi faktlarni chuqur o‘rganib, tahlil qilib, bu muammolar haqida jamoatchilik fikrini uyg‘otishi mumkin.
Reportaj-sharh biror voqeani boshdan oyoq tasvirlash, ko‘rsatishga bag‘ishlanadi va o‘sha voqeani sharhlab beradi. Bunga sport eshttirishlari, futbol sharhini misol keltirish mumkin.