17-mavzu. Sohaviy ma'lumot-axborot hujjatlari. Ma'lumot-axborot hujjatlarining turlari

TarJIMAyI HOL. BILDIRGI. Tavsifnoma.
Tarjimayi hol– ma’lum bir shaxs tomonidan o‘z shaxsiy hayoti va faoliyati bayon qilingan hujjat. Tarjimayi hol bir xil andozada yozilishi shart emas. U muallif tomonidan mustaqil, erkin (ixtiyoriy) shaklda tuzilsa-da, biroq unda ayrim rekvizitlarning bo‘lishi shart. Hujjat matni “men” so‘zi bilan boshlanadi. Tarjimayi holda o‘tgan va hozirgi zamon fe’llari ishlatiladi.Unda dastlab Tarjimayi hol deb yoziladi, keyin muallifning ismi, familiyasi va otasining ismi to‘liq ko‘rsatiladi, tug‘ilgan yili, kuni, oyi va joyi ham aniq yoziladi. Ota-onalar haqida qisqacha ma’lumot beriladi. Shundan so‘ng qayerlarda, nima ishlar qilinganligi to‘g‘risida batafsil, yilma-yil yoziladi, oilaviy ahvoli va turar joyi haqida ma’lumot beriladi. Oxirida yozilgan sana ko‘rsatilib, imzo chekiladi.
Tarjimai hol ko’pchilikka rezyume nomi bilan ham tanish. Tarjimai hol yozish uchun bir qator tavsiyalarga amal qiling. Bunda kasbiy biografiyaning asosiy dalillariga urg’u berilishi kerak, xususan:

1. 
   Lavozim — agar tarjimai hol qanday tuzilishini bilmasangiz, qaysi lavozimga davo qilayotngangingizni ko’rsating. Masalan «buxgalter» yoki «PHP dasturchi».
   
2. 
   Bog’lanish uchun ma’lumotlar — yashash manzilini ko’rsatish shart emas, lekin elektron pochta va telefon raqamni albatta ko’rsatish kerak. Yashaydigan shahar va qancha maoshga da’vo qilayotganingizni ham ko’rsatishingiz mumkin.
   
3. 
   Ish tajribasi — dastavval so’nggi ish joyingiz bilan boshlab, birinchi ish joyingiz bilan yakunlash kerak. Ish joylarda qanday lavozimda ish yuritganingiz ham muhim sanaladi. Yutuqlaringizni ham kiritishingiz mumkin.
   
4. 
   Ma’lumoti — oliy, o’rta yoki o’rta maxsus kabi.
   
5. 
   Kasbiy maxorat va ko’nikmalar — nimalar qo’lingizdan keladi, qaysi dasturlar bilan ishlashni bilasiz, shular haqida yozish kerak. Qo’shimcha tillarni bilishni ham kiritish mumkin. Ingliz tilini biladigan ishchi hech qaysi sohada ortiqchalik qilmaydi.
   
6. 
   Tavsiyanomalar — agar oldingiz ishingizdan biron kim sizni tavsiya eta oladigan bo’lsa, ular bilan bog’lanish uchun ma’lumotlarni kiritish foydadan holi bo’lmaydi.
   
7.