18-мавзу: ахборот соҳасини ривожлантириш, ахборот ва сўзэркинлигини таъминлаш

Har kim fikrlash, so’z va e’tiqod erkinligi huquqiga ega. Har kim o’zi istagan axborotni izlash, olish va uni tarqatish huquqiga ega, amaldagi konstitutsiyaviy tuzumga qarshi qaratilgan axborot va qonun bilan belgilangan boshqa cheklashlar bundan mustasnodir. Fikr yuritish va uni ifodalash erkinligi faqat davlat siri va boshqa sirlarga taalluqli bo’lgan taqdirdagina qonun bilan cheklanishi mumkun.

O’zbekiston Respublikasi Konstitutsiyasi 29-modda.

Ommaviy axborot vositalari erkindir va qonunga muvofiq ishlaydi. Ular axborotning to’g’riligi uchun belgilangan tartibda javobgardirlar. Senzuraga yo’l qo’yilmaydi.

O’zbekiston Respublikasi Konstitutsiyasi 67-modda.

“Davlat har kimning axborotni izlash, olish, tekshirish, tarqatish, undan foydalanish va uni saqlash huquqini himoya qiladi. Jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeiga qarab axborot olish huquqi cheklanishiga yo’l qo’yilmaydi”...

 «Axborot erkinligi printsiplari va kafolatlari to’g’risida»gi
qonunining 8-moddasi

Axborotning muhofaza qilinishi, shaxs, jamiyat va davlatning axborot borasidagi xavfsizligini ta’minlash.

Har qanday axborot, agar u bilan qonunga xilof ravishda muomalada bo’lish axborot mulkdori, egasi, axborotdan foydalanuvchi va boshqa shaxsga zarar yetkazishi mumkin bo’lsa, muhofaza etilmog’i kerak. Axborotni muhofaza etish:

• shaxs, jamiyat va davlatning axborot sohasidagi xavfsizligiga tahdidlarning oldini olish;
• axborotning maxfiyligini ta’minlash, tarqalishi, o’g’irlanishi, yo’qotilishining oldini olish;
• axborotning buzib talqin etilishi va soxtalashtirilishining oldini olish maqsadida amalga oshiriladi.

Президент Ш.Мирзиёевнинг 2017 йил 12 октябрдаги МДҲ Давлат раҳбарлари кенгаши мажлисидаги нутқида таъкидлаганидек, “Илғор технологияларнинг фаол жорий қилинаётгани ва глобал ахборот коммуникация макони тараққий этаётгани барча жараёнларни жадал ва тез ўзгартирмоқда, қитъалар, минтақалар, давлатлар ва бизнес даражасидаги ҳамкорликнинг янги шаклларини ривожлантиришга хизмат қилмоқда”.
Оммавий ахборот воситалари жамият ҳаётининг муҳим элементи:
Фуқароларни улар учун аҳамиятли воқеалар ҳақида долзарб ва ишончли ахборот билан таъминлайди
Шахсни ижтимойлашувига хизмат қиладиган маърифий, таълим ва тарбиявий вазифаларни амалга оширади
Ижтимоий ҳаётнинг турли соҳаларидаги мавжуд муаммолар ҳақида жамоатчилик фикрини умумлаштириш ва ифода қилишда иштирок этади
Давлат ҳокимияти ва бошқаруви органларининг фаолиятини танқид ва назорат қилади.
ОАВ фуқаролик жамиятида турли ижтимоий гуруҳлар ўртасида мулоқат воситаси ҳамда ижтимоий аҳамиятга молик масалаларни муҳокама қилиш қуроли ҳамдир
Оммавий ахборот воситалари жамиятни уюштириш, жипслаштириш, фуқароларнинг ижтимоий фаоллигини рағбатлантириш имкониятига эга.
Ўзбекистонда шаклланган янги сиёсий элита ахборотлашган жамиятнинг талабларига мос равишда ривожланиш ташаббусини илгари сурмоқда. Мамлакатимизда “Электрон ҳукумат” номи билан аталган мақсадли дастур қабул қилиниб, асосий давлат хизматлари электрон кўринишга ўтказилди. Давлат томонидан онлайн хизматлари кўрсатиш турлари ортди. Бу эса айни вақтда ахборот хавфсизлигини таъминлашнинг янги услубларини излаш билан бирга, давлат ҳокимияти органлари фаолиятининг самарадорлигини ошириш, уларнинг халқ билан мулоқотини янги босқичга олиб чиқиш, ҳокимият шаффофлигини ва масъулиятини тадқиқ этишни шартлаб қўяди.