2. Ixtisoslashtirilgan maktablar haqida tushuncha. Ixtisoslashtirilgan davlat umumta'lim muassasalari faoliyati takomillashtirish

2020 yil 1 iyuldan ixtisoslashtirilgan maktablarga qabul boshlanadi.

1 iyuldan ixtisoslashtirilgan davlat umumta’lim maktablari va maktab-internatlariga yangi o‘quv yili uchun o‘quvchilar qabuli boshlanadi. Pandemiya sharoitida hujjatlar onlayn qabul qilinadi. 30 iyun 2020, 16:46   Jamiyat  

1 iyuldan xalq ta’limi tizimidagi ayrim fanlar chuqur o‘rganiladigan ixtisoslashtirilgan davlat umumta’lim maktablari (5-sinf) va maktab-internatlari (7-sinf)ga 2020−2021 o‘quv yili uchun o‘quvchilar qabuli jarayoni boshlanmoqda, deya xabar berdi Xalq ta’limi vazirligi. Ma’lum qilinishicha, ixtisoslashtirilgan umumta’lim muassasasining 5-sinfi uchun hujjatlar 1 — 31 iyul kunlari, 7-sinf uchun hujjatlar 1 — 20 iyul kunlari qabul qilinadi.

«Ixtisoslashtirilgan umumta’lim muassasalariga iqtidorli o‘quvchilar Davlat test markazi tomonidan tegishli fanlar bo‘yicha o‘tkaziladigan test sinovlari (saralash tanlovi) natijalari asosida qabul qilinadi. Pandemiya sharoitini inobatga olib, ixtisoslashtirilgan umumta’lim muassasalarida hujjatlarni onlayn qabul qilish uchun sharoitlar yaratilmoqda», — deyiladi xabarda.

Xabarga ko‘ra, ixtisoslashtirilgan ta’lim muassasalariga o‘quvchilar qabuli bo‘yicha tanlovlar avgust oyida oliy ta’lim muassasalariga qabul test sinovlari yakunlanganidan so‘ng o‘tkazilishi kutilmoqda. Bunda, mamlakatdagi karantin cheklovlari sababli saralash tanlovlarini o‘tkazish muddati o‘zgartirilishi mumkin.