2 курс талабалари учун Умумий педагогика

Низомий номидаги Тошкент давлат педагогика университети Олий ва ўрта махсус таълим вазирининг 2020 йил 27 мартдаги 233-сон буйруғи ижросини таъминлаш, яъни таътил даврида талабаларни масофадан ўқитишни ташкил қилиш бўйича педагогика соҳасида кадр тайёрлайдиган етакчи олий таълим муассасаси мавқеида қатор ижобий ишларни амалга оширмоқда.
Университетнинг етакчи профессор – ўқитувчилари педагогика таълим соҳасининг барча бакалавриат таълим йўналишлари 2 - курс талабалари учун Умумий педагогика ҳамда Умумий психология фанлари дастурларидаги маъруза машғулотлари мавзуларидан,шунингдек, бошланғич таълим ва спорт тарбиявий иш ҳамда мактабгача таълим йўналишлари 2 - курс талабалари учун мутахассислик фанларидан туркум видеодарслар тайёрладилар.
Мазкур видеодарслар ZO’R TV телеканали орқали 2020 йил 6 апрелдан бошлаб ҳар душанба,сешанба,пайшанба ва жума кунлари соат 8 -00 да эфирга узатилади.
Сиздан Умумий педагогика ва Умумий психология фанларидан барча бакалавриат таълим йўналишлари 2 - курс талабаларини,шунингдек, бошланғич таълим ва спорт тарбиявий иш ҳамда мактабгача таълим йўналишлари 2 - курс талабаларини мутахассислик фанларидан тайёрланган видеодарсларни ўтказиб юбормасдан томоша қилишларини таъминлашингизни сўраймиз.
Талабалар мазкур фанларнинг дастурларида тавсия этилган ўқув адабиётларидан фойдаланиб билимларини чуқурлаштиришлари зарурлигини, теледарслар якунлангандан сўнг фанлардан якуний назоратлар масофадан онлайн кўринишда ўтказилишини эслатамиз.
Талабаларни мазкур видеодарсларни эфирда кўриб фанларни онлайн ўзлаштирганликлари Олий ва ўрта махсус таълим вазирлиги томонидан ўрганилиши ҳақида ҳам алоҳида эслатамиз.