2-laboratoriya mashgʻuloti. O‘quvchilarning til ko‘nikmalarini shakllantirish usullari Mashg‘ulotning maqsadi

2-laboratoriya mashgʻuloti.

O‘quvchilarning til ko‘nikmalarini shakllantirish usullari
Mashg‘ulotning maqsadi:Talabalarda o`qib tushunish,tinglab tushunish,yozma va og‘zaki ko`nikmalarni shakllantirish usullari orqali ularda ko‘nikma va malaka hosil qilish.


Topshiriqlar

1. 
   Quyidagi rasm asosida matn yarating
   

Halollik – jannat mevasi,
Haromlik esa do‘zax kulfatidir
Qadim zamonda Abdusalom degan bir halol inson o‘tgan ekan. Uning yakkayu-yagona farzandi bo‘lib, u bolasini juda yaxshi ko‘rar, yeru-ko‘kka ishonmas ekan. Kunlar, yillar o‘tib bola katta pahlavon yigit bo‘libdi. Bir kuni u otasiga maslahat solibdi:
– Ey, ota! Endi nima kasb qilay?
Otasi: – Ey, o‘g‘lim. “Bo‘ynidan bog‘langan it ovga yaramas”, degan gap bor. Endi sen bir hunar yoki kasbni o‘zing tanla va shunga mehr qo‘y”.
Shunda o‘g‘li: – Eng yaxshi kasb – o‘g‘rilik bo‘lsa kerak, – debdi.
Otasi shunda debdi: – Mayli o‘g‘lim, o‘g‘rilik bo‘lsa o‘g‘rilik-da. Qo‘shnimizning qo‘yini o‘g‘irlab ko‘rchi. O‘g‘li qo‘shni xonadondagi bitta katta qo‘chqorni o‘g‘irlab olib kelibdi.
Otasi xursand bo‘libdi va: – O‘g‘lim, zo‘r ish qilding. Endi ikkimiz o‘zimizni tejaymiz va bir hafta uydan chiqmay, shu qo‘yni mazza qilib yeymiz, debdi. Xullas, astoydil bir hafta mazza qilib maishat qilishibdi. Qo‘yni yeb bo‘lgach, o‘zlarini tortishibdi.
O‘g‘il bir haftada uch kiloga ozibdi. Ota esa to‘rt kilo ko‘payibdi. O‘g‘il hayron bo‘lib otasiga boqibdi.
Ota kulib debdi: – Ey, nodon o‘g‘il! Bilib qo‘y, sen o‘g‘irlagan qo‘yning pulini men bir kun oldin qo‘shniga berib qo‘yganman. Shuning uchun men xotirjam semirdim. Ko‘rdingmi, sen o‘zingga halol kasb tanla. U dunyoing ham, bu dunyoing ham obod bo‘lur.
Halollik – jannat mevasi, haromlik esa do‘zax kulfatidir.

2-tоpshiriq: Mаtnni o ‘qing. Mаtn tаrkibidаgi hаr bir so‘zni (o‘z so‘z zahirangiz va lug‘аt yordаmidа) bоshqа mа’nоdоshi bilаn аlmаshtirib, mаtnni qаytа tuzishgа hаrаkаt qiling.
3-tоpshiriq: Mаtn mаzmunini o‘z so‘zingiz аsоsidа 4-5tа gаpdа yozmа ifоdаlаng.
4-tоpshiriq: “Hikmаtnоmа” kitоbidаn hаlоllik hаqidаgi mаqоllаrni tоping vа ulаrdаn mаtn mаzmunigа аynаn mоs kеlаdigаnini tаnlаb dаftаringizgа ko‘chiring