2. uxk agregati uchun avtomatlashtirilgan nazorat qilish boshqaruv tizimi

2.UXK agregati uchun avtomatlashtirilgan nazorat qilish boshqaruv tizimi

Bitiruvoldi amaliyotini o'tash davrida UXK rusumli paxta tozalash agregatini tuzilishi, ish prinsipi va boshqaruv tizimi o'rganildi.

UXK rusumli paxta tozalash agregati paxtani yirik va mayda iflosliklardan tozalash uchush mo'ljallangan bo'lib, bir seksiyasi 4 ta qoziqli, 2 ta yo'naltiruvchi, 2 ta arrali, 1 ta ajratuvchi barabanlar va iflos aralashmalar shnekidan iborat aylanuvchi ishchi organlardan tashkil topgan. Paxta tozalash korxonalarida PDI-70-2017 “Paxtani dastlabki ishlashning muvofiqlashtirilgan texnologiyasi” ga asosan paxtani mayda va yirik iflosliklardan tozalash uchun to'rtta seksiyasi ketma-ket biriktirilgan UXK agregati ishlatiladi.

Ushbu tola tozalagich paxta zavodining uzluksiz texnologik jarayonida paxta tolasini zarra, xas-cho‘p, ulyuk va boshqa begona chiqindilardan tozalash uchun xizmat qiladi.

Tozalagichning asoiy organi bo‘lib, ostiga kolosnikli panjaralar o‘rnatilgan, seksiyalarga joylashtirilgan uchta arrali barabanlar xizmat qiladi.Jinlash mashinasida chigitdan ajratib olingan paxta tolasi quvur orqali bosimli havo yordamida tozalagichning arrali barabaniga uzatiladi.

U yerda arra tishlari yordamida ilib (qamrab) olingan tolalar kolosnikli panjaralar yordamida titib savaladi.Toladan ajralib chiqqan zarra, xas-cho‘p, ulyuk va boshqa aralashmalar chiqindilar kamerasiga tushadi, tola esa birinchi arrali barabandan markazga intilma kuch ta’sirida keyingi 2 va 3 arrali barabanlarga uzatiladi.Ikkinchi va uchinchi barabanlarda ham yuqoridagi kabi tozalash jarayoni amalga oshiriladi.

2-rasmda 3OVP-M turidagi tola tozalagich elektr yuritmasining boshqarish sxemasi keltirilgan. Sxemadagi M1, M2, M3 motorlari (har birining quvvati r=3 kVt, n=23,75 s^-1, turi 4A 100 A4)arrali barabanlarni harakatga keltirish uchun xizmat qiladi. Sxemada ulab uzgich UU yordamida mashina elektr yuritmasini ikki xil, ya’ni qo‘lda «Q» va avtomatik «A»rejimda boshqarish ko‘zda tutilgan. Ulab uzgich «Q» holatiga o‘tkazilganda UU ning 2,4,6- kontaklari ulanadi.Bunda P1-P3 va S1-S3 knopkalariga bosib har bir motorni aloxida ishga tushirish va to‘xtatish mumkin bo‘ladi.Ulab uzgich avtomatik rejim «A»ga o‘tkazilganda esa, uning 1,3,5,7-kontaktlari ulanadi va uchchala motorni bir paytda ishga tushirish imkoni tug‘iladi. Barcha motorlar uchun umumiy bo‘lgan ishga tushirish knopkasi P bosilganda vaqt relesi RV tok oladi va u ma’lum vaqtdan keyin o‘z kontakti bilan rele RP zanjirini ulaydi. O‘z o‘rnida RP relesi kontakti K1-K3 kontaktorlari zanjirini tarmoqka ulaydi va uchchala motor bir paytda ishga tushadi.Mashinani to‘xtatishda barcha motorlar uchun umumiy bo‘lgan to‘xtatish knopkasi «S» ga bosiladi.