2014-yilda O‘zbekistonda ikkita zilzila bashorat qilindi
Celestialpatrol.com loyihasi xodimlari Zilzilalar prognozi global dasturi doirasida 2014-yilda Yevroosiyo materigining markaziy mamlakatlarida yuz berishi ehtimoli mavjud bo‘lgan zilzilalar reytingini tayyorladi. Bu haqda “Podrobno” axborot agentligi xabar berdi.
12 mamlakatni o‘z ichiga olgan reytingda O‘zbekiston 5-pog‘onani zabt etgan. O‘zbekistonda birinchi zilzila joyi Aydarko‘ldan janubiy, janubi-sharqiy tomonda bo‘lib, uning kuchi 5—5,6 ballga ega bo‘ladi. Farg‘ona vodiysida bo‘ladigan ikkinchi yer silkinishi kuchi 5 balldan oshmaydi, deyiladi bashoratda.
Shuningdek, reyting ro‘yxatida Shimoliy Eron (6,3—7,0 ball), Ozarbayjon (5,8—6,5) va Turkmaniston (5,5—7 ball), Tojikiston (hozirda qurilayotgan Rog‘un GESi yaqinida) va boshqa hududlarda zilzilalar bashorat qilingan.
Prognozchilarning aytishicha, bu yerda faqat nisbatan kuchli yer silkinishlari ko‘rsatilgan. Ushbu bashorat “Samo patruli” dasturi va “Kaskad” radiometrik qurilmasiga tayanib tayyorlangan.
O‘rmon xo‘jaligi Bosh boshqarmasi va uning tizimidagi o‘rmon xo‘jaliklari tomonidan sohada iqtisodiy islohotlarni chuqurlashtirish, ijtimoiy-iqtisodiy ko‘rsatkichlarning bajarilishini ta’minlash borasida muayyan ishlar amalga oshirildi. Bu haqda O‘zbekiston Respublikasi Qishloq va suv xo‘jaligi vazirligi matbuot xizmati xabar bermoqda.
Foto: UzReport
2014-yil davomida 42,8 ming gektar, jumladan, Orol dengizining qurigan tubida 16,8 ming gektar maydonda cho‘l o‘simliklaridan yangi o‘rmonzorlar barpo etildi va tabiiy tiklanishiga ko‘mak berish tadbirlari olib borildi. 400 gektar maydonda niholxona va ko‘chatxonalar tashkil etildi.
Vazirlar Mahkamasining 2012-yil 16-oktabrdagi lola daraxti va Qrim qarag‘ayi ko‘chatlarini ekishni ko‘paytirish borasidagi 683-F-sonli va 2013-yil 24-avgustdagi 539-F-sonli farmoyishlari ijrosini ta’minlash maqsadida respublika bo‘yicha ko‘chat ekish oyligi mavsumida 2200 tup lola daraxti, 9100 tup Qrim qarag‘ayi va 47200 tup chilonjiyda ko‘chatlari ekildi.
O‘rmonzorlar barpo qilish va qayta tiklash bilan bir qatorda ularni qo‘riqlash, muhofaza qilish, kasallik va zararkunandalardan asrash maqsadida rejadagi 25225 gektar maydonda o‘rmon kasalliklari va zararkunandalariga qarshi kurash ishlari, shundan rejadagi 15225 gektar maydonda biologik kurash ishlari olib borildi. 2014-yil davomida 123 km masofada yong‘inga qarshi yo‘llar, 58 km yangi himoya liniyalari, 314 km minerallashtirilgan polosalar qurildi, 1628 km o‘rmon xo‘jaligi ahamiyatiga ega va yong‘inga qarshi yo‘llar va 1599 km minerallashtirilgan polosalar ta’mirlandi.
Dorivor o‘simliklarni madaniy holda ko‘paytirish maqsadida 100 gektar maydonga 18 turdagi dorivor o‘simliklar ekilib, 263 tonna dorivor o‘simliklar xomashyosi tayyorlandi. Tizimdagi o‘rmon xo‘jaliklarining mavjud sexlarida 10 turdagi dorivor o‘simliklarni 30-50-100 grammli qutichalarda qadoqlash 85 ming donadan ortiqni tashkil etib, davlat ro‘yxatida qayd qilingan holda ulgurji dori-darmon korxonalari, dorixonalar, sihatgohlar va boshqa shifo maskanlariga yetkazib berilmoqda
Tabiiy xarakterdagi favqulotda vaziyatlar
Turli darajadagi zilzilalar, yer ko’chishlari, tog’ opirishlari, suv toshqini, suv to’planishi, sellar, tog’ ko’chkilari, kuchli shamollar, dovul, jala, vulqon otilishlari tabiiy xarakterdagi favqulotda vaziyatlarga kiradi. Bundan tashqari odamlar orsida uchraydigan yuqumli kasalliklar, rikketsiyalar, ya’ni epidemik toshmali terlama, Bril kasalligi, Ku-isitma, Sibir yarasi, quturish kabi zoonaz infeksiyalar; OITS, epidemiyalar, bezgak kasalliklari, zaharli moddalar bilan zaharlanish joyi va hokozolar. Hayvonlarning ommaviy kassallanishi yoki nobud bo’lishi, ya’ni epizootiya, o’simliklarning ommaviy nobud bo’lishi - epifitotiyalar kiradi.
2003-yilning fevralida Ebola bezgagining tarqalishi natijasida 40 afrikalik ko’z ymgan bo’lsa, Nigeriyaning shimolida tarqalgan meningit epidemiyasi 200 kishi nobud bo’lishiga sabab bo’ldi. Yoki 2004-yilda yuz bergan sunami oqibatlari yangi epidemiyaning vujudga kelishi edi.
Yuqoridagilardan kelib chiqqan holda aytish mumkiki, tabiiy xarakterdagi favqulotda vaziyatlar quydagilarga bo’linadi:
Geologik;
Gidrometeorologik;
Favqulodda epidemiologik;
Epizootik;
Epifitotik vaziyatlar kiradi;
Jigariston surilmasi
Vikipediya, ochiq ensiklopediya
Jigariston surilmasi - Toshkent viloyatining Angren tumani Jigariston qishlogʻidagi surilma. 1991 y. 4 mayda soat 6 dan 45 min. oʻtganda sodir boʻlgan. Jinslarning surilishi 1969 y.da hosil boʻlgan darzlik boʻyicha 170 ming m3 hajmda, 35—40° qiyalikda, 140 m balandlikda roʻy bergan. Darzlikning rivojlanishi bir necha yil davom etgan. Natijada u sirk shaklini olgan, yon chegaralari aniq koʻrinishda boʻlib surilmaning yuqori qismi 0,5 m ga choʻkkan. 1-may kuni yuz bergan yer silkinishi, karʼyerdagi portlatish va yomgʻir suvlarining surilma qatlami ostida toʻplanishi jarayonni tezlashtirgan. Surilish nihoyatda tez surʼatda kechgan, natijada aholi orasida qurbonlar boʻlgan. Surilgan tuproqning qalinligi baʼzi joylarda 20 m ga yetgan. Jigariston qishlogʻining surilma ostida qolgan qismi shahidlar qabristoni deb nomlandi. Jigaristonlik bir qancha oila boshpanasiz qoldi. Tabiiy ofatdan jabr koʻrgan axoli uchun qisqa muddat ichida davlat tomonidan xavfsiz joyda yangi Jigariston shaharchasi qurildi.[1]
Do'stlaringiz bilan baham: |