3-Ma’ruza. Haydovchining ishchi o’rnining joylashuvi. Reja

3-Ma’ruza. Haydovchining ishchi o’rnining joylashuvi.
 
Reja
3.1. Haydovchi ishchi o’rnining joylashuvi.
3.2. Transport vositasi haydovchisining ishchi o’rni.
3.3. Transportning manzarani ko’zdan kechirish xossasi.
3.1. Haydovchining ishchi o’rnining joylashuvi.
Transport vositasini loyihalash jarayoni ikkita subyekt - buyurtmachi va ishlab chiquvchi mutaxassisning muloqotidan boshlanadi. Mahsulotni loyihalash va ishlab chiqarishga joriy etishning umumiy tartibi standartda (GOST 15.001-88) yoritilgan. Buyurtmachi vazirlik, tashkilot, firma, yuridik yoki jismoniy shaxs, ishlab chiquvchi mutaxassis esa - ishlab chiqarish korxonasi yoki loyiha-konstruktorlik tashkiloti (firma) bo'lishi mumkin.
Texnikaviy topshiriq mahsulot ishlab chiqarish uchun asosiy birlamchi hujjat hisoblanadi.
Texnikaviy topshiriqni ishlab chiqish va tasdiqlashning tartibi buyurtmachi va ishlab chiquvchi mutaxassis bilan aniqlanadi. texnikaviy topshiriq kelishuvdan keyin tasdiqlanadi va ishlab chiqariladigan narsaning tuzilishini aniqlaydigan asosiy hujjat bo'lib qoladi.
Texnikaviy topshiriqda quyidagi ma'lumotlar ko'rsatiladi:

• mashinaning mo'ljallangan vazifasi;
• tuzilmaning umumiy joylashish sxemasi yoki tuzilish sxemalarining variantlari;
• foydalanish sharoiti (yo'llar, iqlim, maxsus);
• texnikaviy parametrlar va tavsiflar;
• resurs;
• ishlab chiqarish hajmi, taxminiy narxi yoki tannarxi;
• patent tozaligi va eksport qilinishi mumkin bo'lgan mintaqa va mamlakatlarni hisobga olgan holda standartlarni bajarish bo'yicha talablar;
• me'moriy-badiiy rasmiylashtirish talablari;
• buyurtmachining qo'shimcha talablari.

3.2. Transport vositasi haydovchisining ishchi o’rni.
Transport vositasi haydovchisining ishchi o'rnini tuzish tartibi uslubiy jihatdan avtomobilni loyihalash ishlarining bayon qilingan tartibidan farq qiladi.
Mashina-traktor agregatini boshqarish bitta haydovchi bilan amalga oshadi. Shuning uchun traktorlarda aksariyat hollarda bir o'rinli kabina o'rnatish yetarli boladi. Ayrim firmalar buyurtma bo'yicha passajir uchun olib qo'yiladigan o'rindiq o'rnatadilar.
Bir o'rinli kabinalaming eng kichik o'lchamlari, asosan kenglik va balandlik me'yorlanadi. Bunda 95-reprezentativlik darajasidagi haydovchining antropometrik ma'lumotlariga amal qiladilar, Kabinalar uzunligi reglamentga solinmaydi, chunki u ko'pincha traktorning tuzilishiga bog'liq bo'ladi.
Transport vositasi haydovchisining ishchi o'rnini tuzishda awalambor o'rindiqda qulay ishchi holatda joylashgan haydovchining atrofidagi kabinaning ichki bo'shlig'ini cheklayotgan eng kichik o'lchamlarni va yuzalarning geometrik shaklini aniqlash kerak. Bu parametrlar standartlarda beriladi. Cheklayotgan o'lchamlarni kichik tarafga o'zgartirish mumkin emas va odatda ularni ko'paytiradilar, chunki kabinada dori quti, suv yoki ovqat termosi, ustki kiyim uchun, ba'zan ikkinchi o'rindiqqa ham joy ajratish ko'zdatutiladi.
3.3. Transportning manzarani ko’zdan kechirish xossasi.
Transport vositasi haydovchisi ishchi o'rnidan turib atrofni ko'zdan kechirishi alohida ahamiyatga ega, chunki traktorlar yordamida bajariladigan ko'plab texnologik operatsiyalar, mashinalar ishchi organlari, g'ildiraklar va o'rmalovchi zanjirlarning boshqa narsalarga nisbatan juda aniq holatini, shuningdek mashinaning harakat trayektoriyasini aniq saqlab turishni talab qiladi. Funksional sohalarning va nazorat obyektlarining ko'rib chiqish burchaklari asosiy baholash ko'rsatkichi deb qabul qilingan.
Ko'zdan kechirish (qarab chiqish) deganda, haydovchi bexatar va samarali boshqarishi uchun kerak bo'lgan, ko'z bilan olinadigan axborotni haydovchi qabul qilishining obyektiv imkoniyati va sharoitlarini ifoda etuvchi, traktorning konstruktiv xususiyati tushuniladi.