5. Yozuvlarni kiritish va tahrirlash

5.2.4 Maydonlarni akslantirish

Agar ulardagi ma’lumotlar zarur bo‘lib qolsa, yashiringan maydonlarni osongina ko‘rinadigan qilish mumkin. Bir yoki bir nechta maydonlarni aks ettirishni bekor qilish uchun quyidagi amallar bajariladi:

• 
  Aks ettirishni bekor qilmoqchi bo‘lgan maydonni belgilang;
  
• 
  Формат menyusidagi Скрыть столбцы buyrug‘ini tanlang.
  

Natijada ajratilgan soha ekrandan yo‘qotiladi (jadvaldan emas). Access xohlagan sonli maydonlarni yashirish imkonini beradi. Maydonlarni yashirish izlash va so‘rovlarni aks ettirish bajarilayotganda ishlatilmaydi.
Yashiringan maydonlarni aks ettirishni tiklash uchun Формат menyusining Отобразить столбцы buyrug‘i mo‘ljallangan.

Bu buyruqning muloqot oynasida aktiv jadvalning ko‘rinadigan maydonlari belgilangan maydonlar ro‘yxati aks ettiriladi. Bu oynada maydonlarni aks ettirishni bekor qilish ham, tiklash ham mymkin. Buning uchun maydon nomlari oldidagi kontrol indikatorni yo‘qotish yoki tiklash va Закрыть tugmasini bosish yetarli.

Jadvallarni oson o‘qishning yana bir usuli maydonlarni fiksatsiyalashdir (ma’lum vaziyatda belgilash). Belgilangan maydon har doim ekranning chap qismida aks ettiriladi va ular jadval ustida harakatlanganimizda siljimaydi. Foydalanuvchiga doim kerak bo‘ladigan ma’lumotlarni saqlovchi maydonlarni belgilash tavsiya etiladi. Masalan, manzil jadvallarining oxirgi maydonlaridagi ma’lumotlarni ko‘rish paytida tezda mo‘ljalni yo‘qotish va ma’lumitlar hamda shaxslarning nomlari o‘rtasidagi aloqalarni kuzatishda adashib ketishimiz mumkin. Shunday qilib, manzillar jadvalida shaxslarning nomlari ko‘rsatilgan maydonlarni fiksatsiya qilish maqsadga muvofiqdir. Maydonlarni fiksatsiya qilish quyidagicha amalga oshiriladi:

• 
  Jadvaldagi belgilashni xohlagan maydonlarni markirlang;
  
• 
  Формат menyusining Закрепить столбцы buyryg‘ini tanlang.
  

Ko‘rsatilgan buyruqni aktivlashtirganimizdan keyin markirlangan maydonlar jadvalning chap qismiga siljiydi va endi u oxirgi maydonga o‘tganimizda ham ko‘rinadigan bo‘ladi. Fiksatsiyani Формат menyusining Освободить все столбцы buyryg‘i yordamida bekor qilish mumkin. Fiksatsiyani bekor qilganimizdan so‘ng maydonlar o‘zining oldingi joyiga o‘tib qolmaydi. Foydalanuvchining o‘zi uni sichqon yordamida siljitishi lozim.