5A130201- amaliy matematika (Amaliy matematika va axborot texnologiyalari)

Amaliy matematika va intellektual texnologiyalari fakulteti
“5A130201– Amaliy matematika (Amaliy matematika va axborot texnologiyalari)” mutaxassisligi 2-bosqich magistranti Tuxtanazarova Nasiba Abdurasul qizining amaliy matematika magistrlik darajasini olish uchun yozilgan « Mintaqaviy iqlim o’zgarishlari va ular oqibatlarining tahlili » mavzusidagi
magistrlik dissertatsiyasiga
XULOSA

N.A.Tuxtanazarovaning magistrlik dissertatsiyasi biosfera va atmosfera tizimlarining o’zaro ta’sirini soddalashtirilgan model orqali o'rganishga bag’ishlangan.

Magistrlik dissertatsiyasi kirish, 3 ta bob, xulosa, adabiyotlar ro‘yxati va ilovadan iborat. Kirishda qaralayotgan masala bo‘yicha qisqacha adabiyotlar sharhi berilgan.
Birinchi bobda asosan biosfera va atmosfera tizimlarining nazariyasi keltirilgan. Biosfera va atmosfera buzilishlarining oqibatlari keltirilib o‘tilgan. Biosfera va atmosfera tizimlari o’rtasidagi muvozanat ta’sirlarini aniqlay va baholab beradigan biomodel ishlab chiqish nazariyasi yoritilgan.
Ikkinchi bobda Biosfera va atmosfera tizimlarining o’zaro ta’sirini soddalashtirilgan model orqali modellashtirishni o'rganish keltirib o‘tilgan. Biosfera va atmosfera tiziminingning soddalashtirilgan modelida atmosferaning ichki o'zgaruvchanligi ta'sirini ifodalovchi o'simlik va yog'ingarchiliklarning bir-biriga muvozanat reaktsiyalaridan foydalanilgan. Pyhton dasturlash tili yordamida biosfera va atmosfera muvozanat diagrammmalari dasturi yaratilgan va misollar keltirilgan.
Uchinchi bobda Markaziy Osiyo mintaqasi va ekstremal holatlar uchun namlik va biomning ekstremal nisbatlari o’rganilgan va modellashtirilgan. Hisoblashning uch turi amalga oshirildi: cho'llar, baland tog'li hududlar va tekisliklar uchun. Natija sonli va grafik ko‘rinishida chiqadi.
Tuxtanazarova Nasibaning 1ta tezisi konferensiya va 2ta maqolasi xalqaro jurnallarda chop etilgan.
Jumladan, “Amaliy matematika va axborot texnologiyalarining dolzarb muammolari Al-Xorazmiy 2021” VII xalqaro konferensiyasida tezis va 2ta maqola Rossiyaning “ВЫСШАЯ ШКОЛА” jurnalida chop etilgan.
Xulosa qilib aytganda, N.A.Tuxtanazarovaning magistrlik dissertatsiyasi bunday ishlarga qo‘yiladigan barcha talablarga javob beradi. Uning muallifi esa amaliy matematika va axborot texnologiyalari bo‘yicha magistrlik darajasiga loyiq.


O‘zMU, Amaliy matematika va kompyuter B.F Abdurahimov
tahlili kafedrasi f.-m. f.d.prof.