5А320401- kimyoviy texnologiya (ishlab chiqarish turlari bo’yicha) magistratura talabalari uchun

Bayon “_____”_____ 2020.

“Ishlab chiqarishda boshqaruv” fakulteti uslubiy Kengashida ma’qullandi

Bayon № “____”_____2020.



KIRISH
O‘zbekiston Respublikasida mustaqillik yillarida inson huquqlari va erkinliklarini rioya etilishini, jamiyatning ma'naviy yangilanishini, ijtimoiy yo‘naltirilgan bozor iqtisodiyotini shakllantirishini, jahon hamjamiyatiga integrallashuvini ta'minlaydigan demokratik xuquqiy davlat va fuqarolik jamiyati qurish bo‘yicha islohotlar amalga oshirilmoqda.

Ta'lim, fan va ishlab chiqarishning samarali integratsiyalashuvini ta'minlash Kadrlar tayyorlash milliy dasturida belgilangan dolzarb vazifalardan hisoblanadi. O‘zbekistonda iqtisodiy va ijtimoiy sohani rivojlatirishga doir barcha dasturlarda islohotlarni o‘tkazishning asosiy omillaridan biri sifatida tadbirkorlik sub'ektlariga yaratilayotgan imtiyozlar va qulayliklar bilan bir qatorda, iste'molchilarni sifatli va organizm uchun havfsiz bo‘lgan tovarlar bilan ta'minlashga katta e'tibor qaratilgan.

Patentshunoslik, lisenziyalash va sertifikatlash fani asosan iqtisodiy, texnik va tabiiy fanlar mutaxassisliklari bo‘yicha talabalar, magistrantlarga patent axborot qidiruvini amalga oshirish, ixtiroga talabnoma rasmiylashtirish, patent egasining boshqa shaxslar bilan unga berilgan alohida xuquqlarining bir qismini sotish (berish) bo‘yicha xuquqiy shartnomalar tuzish – lisenziyalash hamda mahsulot va xizmatlarni sertifikatlashdan iborat.

Sertifikatlashning umumiy qoidalari, sertifikatlash idoralari sinov laboratoriyalari va inspeksion nazorat idoralari, akkreditlash prinsiplari va ularga qo‘yilgan talablar va bajarish tartiblarini bilish mahsulot chiqaruvchi va xizmat kursatuvchilarning jahon bozoridagi raqobatbardoshligini oshirishga xizmat qiladi.

Patentshunoslik, litsenziyalash va sertifikatlash fani darslarida tashqi iqtisodiy faoliyat (TIF)da tovarlarni nomenklaturasini o’rganish, uyg’unlashgan TN bojxona to’lovlari, intellektual mulk ob’ektlarini muhofazalash, ilmiy kashfiyotlar va ixtirolar, seleksiya yutuqlari va sanoat namunalari hamda belgilari, eksport va import tovarlar bo’yicha shartnomlar tuzish, patent axborotlari, xalqaro, Yevropa va MDH patentshunoslik, litsenziyalash va sertifikatsiyalash to’g’risidagi axborotlar bilan tanishgan va huquqiy normalarni bilish to’g’risida ma’ruza va seminar darslari olib boriladi.

Bugungi kunda hal etilishi lozim bo’lgan masalalarni yechimi uchun Respublikamizga patentshunoslik, litsenziyalash va sertifikatsiyalash sohasida jahon andozalariga mos keluvchi yuqori malakali mutaxassislar kerak. Shu kunning mutaxassisiga, birinchidan, iste’molchilarni ehtiyojlaridan kelib chiqqan holda intellektual bozorni har tomonlama tahlil qila bilish, ikkinchidan bozorga ta’sir eta bilish talabi qo’yiladi.

«Patentshunoslik, litsenziyalash va sertifikatlash» fani maqsadi–talabalarga mamlakatimiz iqtisodiyotini erkinlashtirish va iqtisodiy islohotlarni jadallashtirish hamda iqtisodiyotni modernizatsiya qilish sharoitlarida O’zbekiston Respublikasida ilmiy kashfiyotlar, ixtirolar, seleksiya yutuqlari, xalqaro patent tizimi va boshqalarni o’rganishda va ularni faoliyatini to’g’ri tashkil etish va uni takomillashtirishdan iboratdir.