6-amaliy mashg`ulot: Sensorik baholashda biokimoviy jarayonlar va ruxiy omillarning tasiri. Darsning maqsadi

6-amaliy mashg`ulot:
Sensorik baholashda biokimoviy jarayonlar va ruxiy omillarning tasiri .


Darsning maqsadi: Meva-sabzavot mahsulotlarini uy sharoitida erto’lalarda saqlash tartibi bilan tanishish. Uy erto’lalarida mahsulotlarni saqlash sharoitlarini tashkil etish usullarini o’rganish.
Ishning mazmuni. Кartoshkani saqlash. Кartoshka hosili qimmatli oziq-ovqat mahsuloti, em-xashak va texnik xom ashyo xisoblanadi. Uning tarkibida 75-80 % suv, 14-24% kraxmal, 2% cha oqsil, shuningdek V₁, V₂. S vitaminlari va A provitamini (karotin), po’stida esa zaxarli solanin bor.
Кartoshka boshqa ko’pgina sabzavotlarga qaraganda saqlashga chidamli mahsulot hisoblanadi. Garchand shunday bo’lsada, uni saqlashda ko’p nobudgarchilikka yo’l qo’yiladi.
Кartoshkaning tuzilishi va uning tarkibi tabiiy himoya xususiyatini belgilaydi. Кartoshkaning qoplagich to’qimalari va periderma juda zich joylashgan hujayralardan iborat bo’lganligi uchun uni mexanik kasallik va zararkunandalardan zararlaniishdan saqlaydi. qoplagich to’qimalarida suberin moddasining borligi ham kartoshkaning saqlanuvchanligini oshiradi. Кartoshkaning shikastlangan joylarida qoplagich to’qimalarining tiklanish xususiyati uning saqlashga chidamliligini yanada oshiradi. Shikastlangan joyda uberin moddasi bilan birga himoya vazifasini bajaruvchi bir qator moddalar (polifenol, gormonlar, fitoaleksin, askorbin kislotasi va boshqalar) hosil bo’ladi. Shunday qilib, fitopatogen mikroorganizmlarga mexanik va ximik to’siqlar paydo bo’ladi. Shikastlangan joyning bitishi uchun havoning qulay harorati 18-20°S, namligi 90-95% va havo almashinuvi sekundiga 2-4 metr hisoblanadi. Shu bois uy erto’lasiga joylashtirishdan avval kartoshkani davolash-etilish bosqichidan o’tkazib olish lozim.
Davolash-etilish davri etilishi va mexanik shikastlarni bitishiga qarab bir necha kundan 2-3 xaftagacha davom etadi. Davolanish - etilish davrida bu jarayonlarni o’tishi uchun sharoit yaratish kerak. Bunda harorat q15 q20⁰ va havoning nisbiy namligi 85-95 foizligi ma’qul. Davrning oxirida harorat q10⁰ gacha tushirilib, mevalarni sovutishga o’tiladi. Davolash davridan so’ng harorat taxminan q2 q4⁰, navga qarab belgilanadi, chunki xuddi shu sharoitda mevalarda moddalar almashinishi balans holga kelib, sekinlashishi kuzatiladi.
Кartoshka sovutish, ya’ni davolanish davridan asosiyga tezda o’tkaziladi va mevalarni uzoq saqlashga, unmaslikka, hamda mikrobiologik buzilishni oldini olishga erishiladi. Odatda, uy erto’lalarida bu 40-60 kun davom etadi. Saqlashga joylashtiriladigan kartoshka toza, sog’lom, shikastlanmagan va quruq shu bilan birga etilish darajasiga qarab saralangan bo’lishi talab qilinadi. Ayniqsa shikastlangan kartoshkani uzoq muddat saqlab bo’lmaydi. Tozalanmagan kartoshkaning nafas olishi ancha qiyinlashadi. Mayda tugunaklar yiriklariga qaraganda uzoq vaqt saqlanmaydi. Кartoshkani erto’ladi to’kma yoki №4 raqamli yashiklarda saqlash mumkin.