7 mavzu: Jismoniy tarbiya darslarida darsning asosiy qismida harakatli o’yinlardan foydalanish. «Biz quvnoq bolalar» o’yin, «Mergan» o’yini

7 mavzu: Jismoniy tarbiya darslarida darsning asosiy qismida harakatli o’yinlardan foydalanish. «Biz quvnoq bolalar» o’yin, «Mergan» o’yini
«Mergan» o’yini (2-rasm). O’quvchilar ikki komandaga bo’linib, yuzlari bir-biriga qaragan holda safga turadilar. O’rtaga har bir komandadan 6-8 m narida bulava qo’yilgan bo’ladi. Signal berilishi bilan har qaysi qatordagi bolalar galma-galdan to’pni bulavaga otib uni urib yiqitishga harakat qiladilar. Qaysi komanda bulavani ko’proq urib tushirgan bo’lsa, o’sha komanda g’olib hisoblanadi.

«Taqiqlangan harakat» o’yinini o’tkazishda o’qo’vchilar oralarini ochib bir sherenga bo’lib saflanadilar. O’qituvchi o’quvchilarga avvaldan uqtirib taqiqlangan harakatlardan tashqari hamma harakatlarni o’zi bilan birga bajarishni tayinlaydi. Masalan, qo’llarni yelkaga qo’yish taqiqlangan harakat, deylik. O’qituvchi har xil mashqlarni bajaradi, o’quvchilar uning harakatlarini takrorlaydi. Shu harakatlarni bajarish jarayonida o’qituvchi ko’llarini to’satdan yelkasiga qo’yadi, ya’ni taqiqlangan harakatni bajardi. O’yinchilardan kimda kim shu harakatni bajarib qo’ysa, u bir qadam qo’ygan bo’lsa, u eng ko’p xato qilgan hisoblanadi. Har qaysi mashqdan so’ng taqiqlangan harakat almashtirib borildi. u tarzda o’yin o’z ichiga har xil harakatlarni oladi.

«Biz quvnoq bolalar» o’yin. O’ynovchilarning hammasi maydonchaning bir tomonidagi chiziqning orqasida turib quyidagi so’zlarni gapiradilar: «Biz quvnoq bolalar yugurish va o’ynashni sevamiz, qani bizga yetib ko’ringchi». Bu so’zlarni aytib bo’lganlaridan keyin hamma bolalar qarama-qarshi tomondagi xonaga yugurib o’tadilar, onaboshi esa maydonchaning o’rtasida turib ularni «tutishga» harakat qiladi. «Tutilganlar» onaboshiga yordamchi bo’lib qoladilar. Hamma o’yinchilar tutib bo’lingandan so’ng, o’yin tugaydi. CHiziqdan tashqarida ushlash mumkin emas. O’yinchilarning maydonchadan tashqariga yugurib chiqishlari man etiladi.