8-боб. Товар-моддий бойликлар ҳисобини автоматлаштириш

8-БОБ. Товар-моддий бойликлар ҳисобини автоматлаштириш

8.1.Номенклатура ҳисоби ва маълумотномаси.

8.2.Номенклатура счетлари ва нархларини белгилаш.

8.3.”Номенклатура гуруҳи” маълумотномаси.

Бобга доир норматив-ҳуқуқий ҳужжатлар:

№	Ҳужжатнинг номи	Қабул қилинган сана	Адлия вазирлигида рўйхатга олинган сана ва рақам
1	Бухгалтерия ҳисобининг 4-сонли “Товар моддий захиралар” Миллий стандарти (БҲСМ)		17.07.2006 й. 1595-сон
2	Бухгалтерия ҳисобининг 19-сонли “Инвентаризацияни ташкил қилиш ва ўтказиш” Миллий стандарти (БҲСМ)		02.11.1999 й. 833-сон
3	Товар моддий бойликларини олишга ишончномалар бериш ва уларни ишончномалар бўйича бериш тартиби тўғрисида низомни тасдиқлаш ҳақида		27.05.2003 й. 1245-сон

8.1.Номенклатура ҳисоби ва маълумотномаси

Дастурда номенклатуранинг партиялар бўйича аналитик ҳисобини юритиш мумкин. Созламалар Настройка параметров учета мулоқотининг Запасы бўлимида ўрнатилади.

Ведется учет по партиям (документ поступления) байроқчаси ўнатилганида «Номенклатура» субконтоси бўйича аналитик ҳисоб юритилувчи счетларда, масалан, 1000 «Материалы» счетига автоматик равишда «Партии» субконтоси қўшилади.


Муҳим!
“Партии” субконтоси ҳужжатларни ўтказишда фақатгина ҳисоб сиёсатида ТМҚ чиқиб кетишини ФИФО усулида ҳисобга олиш танлангандагина автоматик равишда тўлдирилади

Муҳим!
Мазкур байроқчани олиб ташланганида «Партии» субконтоси счетлардан ўчирилади. Ўтказмалардаги партиялар тўғрисидаги барча маълумотлар йўқотилади, партиялар ҳисобини юритишни байроқча олиб ташлангандан кейин қайта тиклаш имкони бўлмайди, шунинг учун партиялар бўйича аналитик ҳисоб юритишни бекор қилиш жараёнига маъсулият билан ёндашиш зарур.
Партиялар ҳисобини ўрнатиш зарур, агарда камида битта ташкилотнинг ҳисоб сиёсатида чиқиб кетаётган товар-моддий заҳираларнинг ҳисобини ФИФО усулида юритса.
Дастурда номенклатуранинг сақланиш жойлари бўйича аналитик ҳисоб юритиш мумкин. Омборлар бўйича миқдорий ҳисоб ёки миқдорий-суммадаги ҳисоб юритилиши мумкин. Созламалар Настройка параметров учета мулоқотининг Запасы бўлимида ўрнатилади.

Сақланиш жойлари бўйича аналитик ҳисоб юритишни конфигурацияда ҳисоб юритишни бошлашдан олдин созлаш лозим. Агарда сақланиш жойлари бўйича ҳисоб юритиш маълумотлар базасига ҳужжатларни киритишдан кейин амалга оширилса, барча ҳужжатларни қайтадан ўтказиш зарур.

Агарда омборлар бўйича миқдорий ва миқдорий-сумма ҳисоби юритилса товар-моддий қийматликлар счетларига автоматик равишда «Склады» ўрнатилади. Агарда омборлар бўйича ҳисоб юритилмаса, ушбу счетлардаан “Склады” субконтоси олиб ташланади. Бунда ўтказмалардаги омборлар тўғрисидаги барча маълумотлар йўқолади.


Муҳим!
Агарда омборлар бўйича ҳисоб юритилмаса, ушбу счетлардаан “Склады” субконтоси олиб ташланади. Бунда ўтказмалардаги омборлар тўғрисидаги барча маълумотлар йўқолади, шунинг учун аналитик ҳисоб юритишни бекор қилиш жараёнига маъсулият билан ёндашиш зарур.