8-март халқаро хотин-қизлар байрами муносабати билан ўтказилган концерт дастурининнг

1-Бошловчи:- Рақс. Ижро этади: ____________________________________________


(рақс ижро этилади)


2-Бошловчи:- Аёлга бахт беринг саодат беринг
Деманг юрибдику кулиб чилмайиб
Аёл кулиб туриб ўлиши мумкин
Дунёни олиши мумкин жилмайиб


1-Бошловчи:- Оилани ҳам, жамиятимизни ҳам бирлаштириб, унга файзу барокот киритадиган хонадонларимизни меҳр-муҳаббат, нафосат, эзгулик нури билан мунаввар қиладиган зотлар ҳам аслида мўътабар оналаримиз, мунис опа-сингилларимиздир.
2-Бошловчи:- Чиндан ҳам, аёллларимизнинг оилада тутган ўрни беқиёс. Оқила, гўзал аёллар ўзларининг ғамхўрлиги, меҳрибонлиги, қалби дарёлиги билан оиладаги, қолаверса, бутун жамиятдаги мувозанатни, поклик, ҳалоллик, самимият ва адолат муҳитини сақлаб турадилар.
1-Бошловчи:- Улуғ донишмандлар Ватанга энг муносиб таъриф излаганда, уни Она сиймосига қиёс этганларида катта маъно бор. Дунёда "муқаддас" деган сўзга энг муносиб зот ҳам - Онадир.

(Бошловчилар таъзим қилишади, фондан «Чўли Ироқ» мусиқаси янграб саҳнага фаришта сиймосидаги ўқувчи қизлар кириб келишади.)

«Муқаддас аёл» композицияси

«Чўли ироқ» мусиқасига фаришталар тимсолидаги тўртта қиз саҳнага мусиқага мос равишда ҳаракатлар билан чиқиб келишади.

Фондан: - Сендан юксак нима бор, юлдуз?
1-фаришта: - Оналар меҳри.
Фондан: - Қайдан олдинг оташни қуёш?
2-фаришта: - Она қалбидан.
Фондан: - Сендан кескир нима бор олмос?
3-фаришта: - Оналар қаҳри.
Фондан: - Пўлат, қайдан сенда зўр бардош?
4-фаришта: - Она сабридан.
Фондан: - Сенми, кўклам, ҳаётбахш фасл?
1-фаришта: - Йўқ, оналар изи.
Фондан: - Сенми хуштаъм, шифобахш асал?
2-фаришта: - Йўқ. Оналар сўзи.
Фондан: - Бахт битгувчи сенми ҳаёт?
3-фаришта: - Йўқ, йўқ, оналар.