8-Mavzu: Kameral soliq tekshiruvini o’tkazish(A) Reja : Kameral soliq tekshiruvini o‘tkazish

8-Mavzu: Kameral soliq tekshiruvini o’tkazish(A)


Reja :
1. Kameral soliq tekshiruvini o‘tkazish
2. Kameral soliq tekshiruvi natijalarini rasmiylashtirish tartibi


Tayanch iboralar: Kameral soliq tekshiruvini o’tkazish tartibi, kameral soliq tekshiruvi bayonnomasi tuzish,kameral soliq tekshiruvi rasmiylashtirish

Kameral soliq tekshiruvi soliq to‘lovchi (soliq agenti) tomonidan taqdim etilgan soliq hisobotini, moliyaviy hisobotni, shuningdek soliq to‘lovchining faoliyati to‘g‘risida soliq organida mavjud bo‘lgan boshqa hujjatlar hamda ma’lumotlarni tahlil qilish asosida soliq organi tomonidan o‘tkaziladi.

Kameral soliq tekshiruvini o‘tkazish to‘g‘risidagi buyruq asosida faqat bitta soliq to‘lovchi tekshiruvdan o‘tkaziladi.
Kameral soliq tekshiruvini tayinlash to‘g‘risidagi buyruqda soliq to‘lovchining nomi va uning identifikatsiya raqami, tekshiruvchi shaxsning familiyasi, ismi, otasining ismi va lavozimi, kameral soliq tekshiruvini o‘tkazish muddatlari, tekshirilayotgan davr ko‘rsatiladi.
Kameral soliq tekshiruvida soliq organining ikki va undan ortiq tekshiruvchi mansabdor shaxslari qatnashganda, tekshirish jarayonini boshqarish va natijalarini umumlashtirishga buyruqda familiyasi birinchi ko‘rsatilgan tekshiruvchi javobgar shaxs hisoblanadi.
Kameral soliq tekshiruvini o‘tkazish muddati kameral soliq tekshiruvini tayinlash to‘g‘risidagi buyruqda ko‘rsatilgan sanadan boshlanadi.
Kameral soliq tekshiruvining umumiy muddati oltmish kundan oshishi mumkin emas. Kameral soliq tekshiruvi davomida soliq organi shaklda rasmiylashtirilgan so‘rovnoma asosida soliq to‘lovchidan:
soliqlarni hisoblab chiqarish uchun asos bo‘lgan birlamchi hujjatlarni, buxgalteriya hisobi registrlarini hamda boshqa hisob hujjatlarini;
taqdim etilgan soliq hisoboti va hisob hujjatlariga doir tushuntirishlarni;