9-bob. Tabiiy tilni tushunish va mashinali koʻrish tizimlari

Lingvistik tahlil [11-15]. Normallashtirish protsedurasidan soʻng matnning har bir soʻziga (soʻz shakliga) uning talaffuzi toʻgʻrisida ma’lumot yozish kerak, ya’ni fonemlar zanjiriga aylantirish yoki boshqacha aytganda, uning fonem(tovush)li transkripsiyasini yaratish kerak. Koʻpgina tillarda, shuningdek, rus tilida ham oʻqishning yetarlicha doimiy qoidalari mavjud – harflar va fonemlar orasidagi moslashuv qoidasi, lekin ular soʻzlarga urgʻu berishning dastlabki joylashishini talab etishi mumkin. Uning tilida oʻqish qoidalari oʻzgaruvchan va ingliz tili sintezi uchun bu masala ancha qiyinlashadi. Lugʻat hajmining kattaligi va iborada bir soʻz talaffuzining kontekstli oʻzgarishi barcha soʻzlarning transkripsiyasini saqlash mumkin emasligini koʻrsatadi. Koʻpincha bunday muammoni grammatik taхlil yoʻli bilan yechsa boʻladi, lekin ayrim hollarda faqat yanada kengroq semantik ma’lumotni qoʻllash ham yordam beradi.

Morfemli taхlil shu bilan qulayki, uning yordamida soʻzlarda nutqning qaysi boʻlimiga tegishli ekanligini aniqlash mumkin. Bu matnning grammatik taхlili va uning prosodik xarakteristikalarni berish uchun juda muhim. Sintezning inglizcha tizimlarida morfemli taхlil MITalk tizimida qoʻllanilgan, uning uchun transkriptorning xatolar foizi 5% ga teng.