Акциядорлик тижорат банки «Қишлоқ қурилиш банк»нинг Навоий минтақавий филиали тўғрисида

8. Филиалда ҳисоб юритиш ва ҳисобот

1. 
   Филиалда ҳисоб юритиш ва ҳужжатлар айланиши Ўзбекистон Республикаси Марказий банки ҳамда Банк белгилаган қоидалар асосида ташкил этилади.
   
2. 
   Филиал ҳар куни Банк марказий бухгалтериясига оператив каналлар орқали маълумотлар юбориб туради. Филиал фаолияти якунлари Филиалнинг ойлик ва йиллик балансларида, у кўрган фойда ва зарарлар ҳақидаги ҳисоботларда акс эттирилади. Бу ҳужжатлар Банкка у белгилаган ҳажм ва муддатларда тақдим этиб борилади. Филиал баланси ва унинг молиявий натижалари Банкнинг жамланма балансига ҳамда фойда ва зарар ҳақидаги ҳисоботига қўшилади.
   
3. 
   Филиалнинг операция йили 1 январда бошланади ва 31 декабрда тугайди.
   

9. Филиал фаолиятини тафтиш қилиш ва текшириш

1. 
   Банкнинг ички аудит бошқармаси Филиал фаолиятини режа асосида, зарур ҳолларда режадан ташқари аудит текширувидан ўтказади.
   
2. 
   Филиалда тафтиш ва текширувлар ўтказиш тартиби амалдаги қонун ҳужжатлари ва Банк ички меъёрий ҳужжатларига мувофиқ белгиланади.
   
3. 
   Ваколатли органлар Филиал фаолиятини қонунчиликда белгиланган тартибда тафтиш қилиши ва текшириши мумкин.
   

10. Филиал фаолиятини тугатиш

1. 
   Филиал Банк Кенгаши қарори билан, шунингдек қонун ҳужжатларида назарда тутилган бошқа ҳолларда тугатилади. Филиални тугатиш билан боғлиқ масалаларни ҳал этиш учун Банк Тугатиш комиссиясини тузади.
   
2. 
   Филиални тугатиш тўғрисида хабар матбуотда эълон қилинади.
   
3. 
   Филиални тугатиш ишлари қонун ҳужжатлари асосида амалга оширилади.
   

Бошқарув раиси Б. Муллаханов