Алоқада бўлган шахсларни бошқариш

COVID-19 ни бошқариш алгоритми

АЛОҚАДА БЎЛГАН ШАХСЛАРНИ БОШҚАРИШ

Алоқада бўлган шахсларни аниқлаш ва аҳолини хабардор қилиш

1. Алоқада бўлган шахсалар - бу беморда аломатлар пайдо бўлганидан кейин 14 кун ичида қуйидаги ҳаракатларнинг бирортасида қатнашган шахслар:

а. тегишли шахсий ҳимоя воситаларидан фойдаланмасдан COVID-19 билан касалланган беморларга тўғридан-тўғри ёрдам кўрсатиш;

б. COVID-19 билан касалланган бемор жойлашган жой яқинида бўлиш;
в. ҳар қандай транспорт воситаси билан COVID-19 билан касалланган бемор билан яқиндан бирга саёҳат қилиш ёки нохуш СOVID-19 эпидемиологик ҳолатдаги давлатларда саёҳат қилиб қайтиш

2. СOVID-19 тасдиқланган бемор билан яқин алоқада бўлган барча шахслар, ўқитилган ҳамшира ёки мутахассис томонидан фаол равишда аниқланиши керак (1-илова § 2).

3. Ўз-ўзини изоляция қилиш мақсадида СOVID-19 тасдиқланган бемор билан яқин алоқада бўлган одамларнинг аҳволи ўқитилган ҳамшира ёки мутахассис томонидан таҳлил қилиниши керак.

4. СOVID-19 тасдиқланган бемор билан яқин алоқада бўлган барча шахслар билан, СOVID-19 аломатлари ва профилактикаси тўғрисида хабардор қилиш учун, малакали бошланғич тиббий ёрдам ходими боғланиши керак.

5. Профилактика ва тиббий ёрдамга эҳтиёж тўғрисида аҳолини ўргатиш ва хабардор қилиш чоралари мунтазам равишда олиб борилиши керак.

Алоқада бўлган шахсларни ташиш ва изоляция қилиш

1. COVID-19 тасдиқланган бемор билан яқин алоқада бўлган барча шахслар махсус изоляция хоналарида изоляция қилиниши керак.

2. Алоқада бўлган шахсларни изоляторларга олиб бориш учун ўқитилган ходимлар билан жиҳозланган махсус транспорт воситаси ажратилиши керак:

Нафас олиш гигиенаси, қўл ва тана сирти гигиенаси, шунингдек транспорт воситасидаги вентиляция ва ижтимоий масофа ҳақида маълумот бериш ўқитилган ходимлар томонидан олиб борилиши керак (3-илова).

3. Агар алоқада бўлганларни изоляция қилиш учун махсус жой мавжуд бўлмаса, малакали бошланғич тиббий ёрдам ходими алоқада бўлган шахсларга 14 кунлик ўз-ўзини изоляция қилиш зарурлиги тўғрисида кўрсатма бериши керак (4-илова).

4. Ўз-ўзини изоляция қилиш имкониятларини малакали бошланғич тиббий ёрдам ходими баҳолаши керак, шунингдек у алоқада бўлган шахсларга изоляция шартлари тўғрисида кўрсатма бериши керак.

5. Ўз-ўзини изоляция қилиш пайтида озиқ-овқат ёки бошқа махсус эҳтиёжларга эга бўлган алоқадаги шахслар жойлардаги маҳаллий ҳокимият органлари томонидан таъминланиши керак.