Amaliy mashg’ulot №: 8 Texnogen tusdagi ofatlar, turlari, xususiyatlari, oqibatlari va ularda fuqarolarning xatti-harakatlari

Evakuatsiya — aholini tinchlik va harbiy davrda ixtiyoriy FVdan muhofaza qilishning eng samarali usuli.

Aholi evakuatsiyasi - favqulodda vaziyat yuz bergan joydan aholini olib chiqib ketish va xavfsiz joylar (shahar tashqarisi)da oldindan tayyorlab qo`yilgan, hayot faoliyatini ta`minlovchi sharoitlar yaratilgan erlarga joylashtirish bo`yicha o`tkaziladigan tadbirlar majmuidir.

Evakuatsiya o`tkazish tadbirlari to`g’risida qaror qabul qilish huquqi FV sodir bo`lgan hudud mahalliy hokimi organi boshlig’iga berilgan. Aholi evakuatsiyasi tadbirlarga umumiy rahbarlikni hududiy, idoraviy, ob`ekt boshqaruv organlari fuqaro muhofazasi boshliqlari amalga oshiradi. evakuatsiya tadbirlari bevosita evakuatsiya organlari tomonidan o`tkaziladi.