Amaliy matematika "fakulteti,"Tabiiy fanlar va Iqtisodiyot "kafedrasi,"Biotexnologiya "yo`nalishi

Mirzo Ulug`bek nomidagi O`zbekiston Milliy Universiteti Jizzax filiali

“Amaliy matematika “fakulteti,”Tabiiy fanlar va Iqtisodiyot “kafedrasi,”Biotexnologiya “yo`nalishi,

150-20-guruh talabasi
Shodmonova Sarvinozning
“Metrologiya Standartlashrirish va Sertifikatsiya”
Fanidan
Mustaqil ishi

Mavzu:Sertifikatsiya asoslari.

XXI asr — yuqori texnologiyalar davri. Dunyo rivojlanib insonlar ongi, dunyoqarashi, talablari ham oʻsib bormoqda. Shu bilan birga, bu talablarni qondirish, raqobatdosh hamda sifatli mahsulot va xizmatlarni taqdim etish dolzarbligicha qolyapti. Ayniqsa, doʻkonlar peshtaxtalarini toʻldirib turgan oziq-ovqat, kiyim-kechak va boshqa kundalik ehtiyoj mollarining sifatini kim kafolatlaydi, ularning sifatini tasdiqlovchi hujjatlar mavjudmi va agar mavjud boʻlsa, bu hujjat nechogʻlik ishonchli? Bu taxlit savollar xaridorlarni qiziqtiradi, albatta. Shu maʼnoda, ishlab chiqaruvchilar uchun xaridor ishonchini qozonish,ishlab chiqarishda yuqori samarali, energotejamkor texnologiyalarni qoʻllash muhim ahamiyat kasb etadi.
Mamlakatimiz qonunchiligida mahsulot sifatini tasdiqlashning ikkita usuli — muvofiqlik sertifikati va muvofiqlikni tasdiqlovchi deklaratsiya qabul qilingan. Xoʻsh, ularning qaysi biri maqbul? Dastlab shuni taʼkidlab oʻtishimiz lozimki,majburiy tartibda sertifikatlashtiriladigan, shuningdek, muvofiqligi muvofiqlik deklaratsiyasi bilan tasdiqlanishi mumkin boʻlgan mahsulotlar roʻyxati Oʻzbekiston Respublikasi Vazirlar Mahkamasining 2011-yil 28-apreldagi122-son qarori bilan tasdiqlangan.
Endi muvofiqlik sertifikati va deklaratsiyasi atamalariga toʻxtalib oʻtsak. Sertifikatsiya soʻzi lotin tilidan olingan boʻlib, “toʻgʻri bajarilgan” maʼnosini anglatadi. Mahsulot “toʻgʻri bajarilganligini” aniqlash uchun, sertifikatlashtirish jarayoni amalga oshiriladi.
Muvofiqlik sertifikati — sertifikatlangan mahsulotning belgilangan talablarga muvofiqligini tasdiqlash uchun sertifikatlashtirish tizimi qoidalariga binoan berilgan hujjat.
Mahsulotning normativ hujjat talablarga muvofiqligini nafaqat sertifikatlashtirish yoʻli bilan,balki deklaratsiyalash yoʻli bilan ham tasdiqlash mumkin.
Deklaratsiya soʻzi fransuz tilidan olingan boʻlib, “eʼlon qilish” maʼnosini anglatadi.