Амаллар тизимлари

Бош меню

Вазифалар панелининг чап бурчагида (ёки тепада, агар панел иш столининг чап ёки ўнг четига жойлаштирилган бўлса) ишга тушуриш тугмачаси жойлашган. Ушбу тугмачани босилиши экранда расмда тасвирланган бош менюнинг пайдо бўлишига олиб келади.

Ушбу меню кейинги вақтда очилган, ҳамма дастурлар ва ҳужжатларга тезлик билан йўллашни таъминлайди. Керакли объектга ўтиш учун сичқончанинг тугмачасини бир марта босишнинг ўзи кифоя. Бундан ташқари бош меню локал ва тармоқ дисклардаги дастурлар ва ҳужжатларни излашни сезиларли даражада енгиллаштиради. Тизимдан чиқиш ҳам бош меню ёрдамида амалга оширилади. “Ишни якунлаш” буйруғи мана шунинг учун хизмат қилади. У Windows билан ишлаш сеансини тугаллашга, компьютерни қайта юклаш ёки компьютерда бошқа одам ишлай олиши учун шунчаки тизимдан чиқишга ёрдам беради.




«Ишга тушириш» бош менюси билан ишлаш учун

1. «Ишга тушириш» тугмачасини босинг.

Экранда «ишга тушириш» менюси пайдо бўлади.
2. Очиш талаб қилинадиган элементни танланг.
Кисм менюни очиш учун стрелка ёрдамида керакли бандни танланг.
Маслаҳат. Бош менюни истаган пайтда, ҳатто у очиқ деразалар остига беркинган бўлганда ҳам, сичқончанинг ёрдамисиз ҳам очиш мумкин. Бунинг учун Ctrl+Esc тугмачаларини босиш кифоя.

Вазифалар тугмачалари

Вазифалар панелининг марказий қисмида ҳар бири айни шу пайтда ишлаб турган дастурни ёки очилган папкани ифода этувчи тугмачалар жойлашган. Бу тугмачаларни сичқонча ёрдамида «босиб», сиз бир топшириқдан иккинчисига ўтишингиз мумкин.

Агар бир вақтнинг ўзида кўп панеллар очилган ёки дастурлар юкланган бўлса, Windows тугмачалар номларини қисқартириши мумкин, аммо улардан исталганининг устида сичқончани кўрсаткичини икки сониягача ушлаб турсангиз топшириқнинг тўлиқ номи кўрсатилган тегишли матн қатори пайдо бўлади.
Қуйида вазифалар панелининг расми кўрсатилган