24
korxonalarni ajratish kerak. Bu yerdan ikkita yangi to‘plam paydo bo‘ladi. Bu
to‘plamlarga kirgan har bir korxona to‘plam birligi hisoblanadi.
To‘plam birliklari bir holatda bir jinsli, shu birliklar boshqa holatda bir jinsli
bo‘lmasligi mumkin. Masalan, ish haqi nuqtayi nazaridan davlat (yoki nodavlat)
korxonalarida band bo‘lgan ayollar-ishchilar to‘plami bir jinslidir.
Aholini takror
ishlab chiqarish nuqtayi nazaridan, aniqrog‘i tug‘ilish masalasidan qarasak bu
to‘plam bir xil emas, chunki ayollarning ayrim yoshdagilari endi bola tug‘a
olmaydi.
Shunday qilib, to‘plam birligi – bu bir obyekt (masalan, student, qoshiq,
krovat, bitim va h.k) hisoblanadi. Bosh to‘plam – bu birliklar yig‘indisi (masalan:
studentlar, korxonalar, bitimlar soni va h.k)dir.
Ma’lumki, bosh to‘plamni to‘liq o‘rganish juda katta kuch va mablag‘ talab
qiladi. Lekin, statistikada isbot qilinishicha bosh to‘plam bo‘yicha
olinadigan
xulosani tanlanma to‘plam ma’lumotlari bo‘yicha ham olish mumkin. Tanlanma
to‘plam - bosh to‘plam birliklarini maxsus statistik metodlar yordamida tanlab
olingan qismini ifodalaydi. Tanlash qanday amalga oshiriladi va tanlab kuzatish
boshqa masalalarini kelgusi boblarda muhokama qilamiz.
3.
Belgi
-
bu to‘plam birligining sifatiy xususiyatidir. O‘rganilayotgan
to‘plam birligini ifodalash xarakteriga
qarab belgilar miqdoriy, atributiv va
alternativ belgilarga bo‘linadi.
Miqdoriy ifodaga ega bo‘lgan belgilar miqdoriy belgilar deyiladi. Masalan,
ish staji, mehnat haqi, kishi yoshi va h.k.
Miqdoriy ifodaga ega bo‘lmagan belgilar atributiv belgilar deyiladi.
Masalan, professor, biznesmen, barmen, bankir va h.k.
Agarda belgida, mohiyati bo‘yicha teskari variant mavjud bo‘lsa, bunday
belgilar alternativ belgilar deyiladi. Masalan, har bir kishi turmush qurgan va
qurmagan bo‘lishi mumkin, do‘kondagi tovar iste’molga
yaroqli va yaroqsiz
bo‘lishi mumkin. Bunday belgilar bo‘yicha ma’lumot to‘planayotganda, odatda,
savolga ha yoki yo‘q deb javob beriladi.
25
Statistik o‘rganishning farqli xususiyati, unda faqat o‘zgaruvchan
(tebranuvchi, farqlanuvchi) belgilar o‘rganiladi, ya’ni belgilar bir-biridan
farqlanadi. Bu farqlanish statistikada variatsiya deb ataladi. Masalan, menejer
ishini olaylik. Uning ishi natijasiga firmadagi umumiy
sharoitlar va uning faqat
o‘ziga bog‘liq omillar (uning ma’lumoti, ishchanligi, ishni tashkil qila bilishi va
h.k.) ta’sir qiladi. Birinchi omil firmadagi hamma menejerlar uchun bir xil,
ikkinchi omil esa har bir menejer uchun alohida tasnifga ega.
Bu omillar bir-biri
bilan qo‘shilib, pirovard natijada ishchining ish natijasini har xil bo‘lishiga olib
keladi. Bunday belgilar variatsion belgilar deb ham ataladi.
Agarda, o‘rganilayotgan belgining o‘zgarishi turli davrlarga to‘g‘ri kelsa
(oy, yil) bunday o‘zgarish statistikada variatsiya emas, dinamika deyiladi.
Do'stlaringiz bilan baham: